گورنرخیبرپختونخواکاسیکورٹی فورسز کی کامیاب کاروائیوں پر خراج تحسین

ہفتہ 13 ستمبر 2025 19:33

پشاور(اُردو پوائنٹ اخبارتازہ ترین - این این آئی۔ 13 ستمبر2025ء)گورنر خیبرپختونخوا فیصل کریم کنڈی نے خیبر پختونخوا کے اضلاع باجوڑ اور جنوبی وزیرستان میں سیکیورٹی فورسز کی جانب سے فتنہ الخوارج کیخلاف آپریشن میں 35 خوارج کو ہلاک کرنے پر سیکیورٹی فورسز کو خراج تحسین پیش کیا ہے ۔

(جاری ہے)

گورنر نے سیکیورٹی فورسز کی بہادری و پیشہ ورانہ مہارت کی تعریف کرتے ہوئے فتنہ الخوارج کیخلاف آپریشنز میں 12 سیکیورٹی فورسز جوانوں کی شہادت پر اظہار عقیدت بھی پیش کیا. انہوں نے شہید جوانوں کے لواحقین سے تعزیت و دلی ہمدردی کا اظہار کرتے ہوئے شہداء کے درجات بلندی اور پسماندگان کیلئے صبر جمیل کی دعا کی۔

گورنر نے کہا کہ قیام امن کیلئے شہداء کی قربانیاں رائیگاں نہیں جائیں گی۔ دہشتگردوں کا جرات و بہادری سے مقابلہ کرنیوالے شہید جوانوں کو سلام پیش کرتے ہیں، دہشتگردی کے مکمل خاتمہ کیلئے پوری قوم کا عزم غیر متزلزل رہے گا۔