سپیکر قومی اسمبلی کا سابق ایم این اے روشن جونیجو کے انتقال پر اظہار تعزیت

پیر 15 ستمبر 2025 12:00

اسلام آباد (اُردو پوائنٹ اخبارتازہ ترین - اے پی پی۔ 15 ستمبر2025ء) سپیکر قومی اسمبلی سردار ایاز صادق نے رکن قومی اسمبلی صلاح الدین جونیجو کے والد سابق رکن قومی اسمبلی روشن جونیجو کے انتقال پر گہرے دکھ اور افسوس کا اظہار کیا ہے ۔

(جاری ہے)

پیر کو اپنے تعزیتی پیغام میں انہوں نے رکن قومی اسمبلی صلاح الدین جونیجو اور اُن کے خاندان سے دلی ہمدردی اور تعزیت کا اظہار کرتے ہوئے کہا کہ والدین قدرت کا انمول تحفہ ہیں، اُن کا بچھڑ جانا ناقابلِ تلافی نقصان اور بڑا صدمہ ہے،غم اور دکھ کی اس گھڑی میں صلاح الدین جونیجو اور اُن کے اہلِ خانہ کے غم میں برابر کا شریک ہوں۔

سردار ایاز صادق نے روشن جونیجو کی سیاسی و سماجی خدمات پر ان کو خراج عقیدت پیش کیا اور اللہ تعالیٰ سے دعا کی کہ وہ مرحوم کو اپنے جوارِ رحمت میں اعلیٰ مقام عطا فرمائے۔