ایلون مسک کی کمپنی اسٹار لنک میں ایک بار پھر خرابی

سروس بند ہونے والے امریکا میں اسٹار لنک کے 43 ہزار صارفین متاثر

پیر 15 ستمبر 2025 12:47

ایلون مسک کی کمپنی اسٹار لنک میں ایک بار پھر خرابی

نیویارک(اُردو پوائنٹ اخبارتازہ ترین - این این آئی۔ 15 ستمبر2025ء)ٹیسلا اور اسپیس ایکس کے سی ای او ایلون مسک کی کمپنی اسٹار لنک کی انٹرنیٹ سروس ایک بار پھر متاثر ہوئی ہے۔غیر ملکی خبر ایجنسی کے مطابق پیر کے دن اسٹار لنک نے اپنی ویب سائٹ پر ایک پیغام جاری کیا جس میں بتایا گیا کہ سیٹلائٹ انٹرنیٹ سروس اسٹار لنک کو سروس بندش کا سامنا ہے تاہم کمپنی نے مزید تفصیلات جاری نہیں کیں۔

(جاری ہے)

آن لائن ٹریکنگ پلیٹ فارم ڈائون ڈیٹیکٹر کے مطابق سروس بند ہونے والے امریکا میں اسٹار لنک کے 43 ہزار صارفین متاثر ہوئے اور انہیں انٹرنیٹ استعمال میں مشکلات کا سامنا ہے۔اس سے قبل رواں سال جولائی میں بھی اسٹار لنک کو سروس کی ایک بڑی بندش کا سامنا کرنا پڑا تھا جس کی وجہ سے ہزاروں صارفین کو انٹرنیٹ سروس استعمال کرنے میں مشکلات کا سامنا کرنا پڑا تھا۔جولائی میں آنے والے اس خلل کے بعد ایلون مسک اور ان کی کمپنی کے سینئر ایگزیکٹوز نے صارفین سے معافی بھی مانگی تھی۔