Live Updates

پنجاب پولیس نے سیلاب متاثرہ علاقوں سے 6لاکھ مردوں ،عورتوں اور بچوں کو ریسکیو کیا ،ترجمان

پیر 15 ستمبر 2025 15:04

لاہور (اُردو پوائنٹ اخبارتازہ ترین - اے پی پی۔ 15 ستمبر2025ء) پنجاب پولیس کا سیلاب زدہ علاقوں میں ریسکیو اینڈ ریلیف آپریشن جاری ہے،ملتان ریجن سے 02 لاکھ 43 ہزار 719، ڈی جی خان ریجن سے ایک لاکھ 9 ہزار 832 شہریوں کو ریسکیو کیا گیا۔ ترجمان پولیس کے مطابق سیلاب زدہ علاقوں سے 02 لاکھ 90 ہزار سے زائد مردوں، 02 لاکھ 35 ہزار 148 خواتین اور 02 لاکھ سے زائد بچوں کو ریسکیو کیا گیا۔

(جاری ہے)

پنجاب پولیس کے 16 ہزار سے زائد افسران و اہلکار، 770 وہیکلز اور 40 کشتیاں ریسکیو اینڈ ریلیف آپریشن میں شریک ہیں۔ آخری شہری کی محفوظ مقام پر منتقلی تک ریسکیو اینڈ ریلیف آپریشن جاری رکھا جائے گا۔ ریسکیو اینڈ ریلیف آپریشن کے لئے سیف سٹی کی تھرمل امیجنگ ٹیکنالوجی اور ڈرون کیمرے استعمال کئے جا رہے ہیں۔ پولیس اب تک 07 لاکھ 28 ہزار 241سیلاب متاثرین کو محفوظ مقامات پر منتقل کر چکی ہے۔