جنوبی وزیرستان میں جامِ شہادت نوش کرنے والے شہداءکو آبائی علاقوں میں سپرد خاک کر دیا گیا

پیر 15 ستمبر 2025 15:45

راولپنڈی (اُردو پوائنٹ اخبارتازہ ترین - اے پی پی۔ 15 ستمبر2025ء) جنوبی وزیرستان میں دہشتگردوں کے خلاف بہادری سے لڑتے ہوئے جامِ شہادت نوش کرنے والے شہداءکو آبائی علاقوں میں سپرد خاک کر دیا گیا۔سپاہی نصر اللہ اور روزی خان کو بلوچستان میں ان کے آبائی علاقوں پشین اور بارکھان میں فوجی اعزاز کے ساتھ سپرد خاک کر دیا گیا۔

(جاری ہے)

تفصیلات کے مطابق نمازِ جنازہ میں شہداء کے لواحقین، سول و عسکری حکام، علاقہ عمائدین اور لوگوں کی بڑی تعداد نے شرکت کی۔

علاقہ عمائدین، لواحقین اور عوام نے وطن کے بہادر سپوتوں کو شاندار خراجِ عقیدت پیش کیا ۔صدرآصف علی زرداری، چیف آف آرمی سٹاف فیلڈ مارشل سید عاصم منیراور سینئر فوجی افسران کی جانب سے شہدا کی قبروں پر پھولوں کی چادریں چڑھائی گئیں،پاک فوج کا عزم ہے کہ وطنِ عزیز کو دہشتگردی کے ناسور سے مکمل پاک کرنے تک قربانیوں کا یہ سفر جاری رہے گا ۔