اختلاف رائے جمہوریت کا حسن ہے، دشمنی نہیں یہی وہ سبق ہے جو ہمیں اپنی آنے والی نسلوں کو دینا ہے‘مریم نواز

جمہوریت وہ عہد ہے جہاں اقتدار عوام کی دہلیز پر آتا ہے، وزیراعلیٰ مریم نواز شریف کا جمہوریت کے عالمی دن پر پیغام

پیر 15 ستمبر 2025 19:45

لاہور (اُردو پوائنٹ اخبارتازہ ترین - این این آئی۔ 15 ستمبر2025ء) وزیراعلیٰ پنجاب مریم نواز شریف نے کہا ہے کہ طاقت کا اصل سرچشمہ عوام ہیں اور عوام کی رائے ہی ترقی کا پہلا زینہ ہے،فتنہ فساد اور تشدد کی بنیاد پر رائے سازی جمہوریت کی روح کے منافی ہے۔ وزیرِاعلیٰ مریم نواز شریف نے جمہوریت کے عالمی دن پراپنے پیغام میں کہا کہ اسلام جمہوریت کے پاسبانوں کو جو آئین کی حفاظت کو جہاد سمجھتے ہیں۔

جمہوریت وہ عہد ہے جہاں اقتدار عوام کی دہلیز پر آتا ہے۔معیشت جمہوریت کے بغیر پائیدار ترقی نہیں کر سکتی۔

(جاری ہے)

وزیراعلیٰ مریم نواز شریف نے کہا کہ جمہوریت مضبوط ہوگی تو تعلیم کا در کھلے گا،سہولتیں ملیں گی اور ہر نوجوان کا خواب مکمل ہوگا۔جمہوریت محض حکومت سازی نہیں،عوام اور ریاست کے درمیان اعتماد کا رشتہ ہے۔جمہوریت وہ آئینہ ہے جس میں ہم اپنی غلطیاں دیکھ کر درست کر سکتے ہیں۔

اختلاف رائے جمہوریت کا حسن ہے، دشمنی نہیں یہی وہ سبق ہے جو ہمیں اپنی آنے والی نسلوں کو دینا ہے۔وزیراعلیٰ مریم نواز شریف نے کہا کہ پاکستان کی جمہوریت کو صرف بچانا نہیں اسے نکھارنا اور دنیا کے لیے ایک مثال بنانا ہے۔ جمہوریت کو آئندہ نسلوں کے لیے ایسا سرمایہ بنائیں گے جو وقت کی آندھیوں میں بھی قائم رہے۔