امریکا نے ایران سے متعلق نئی پابندیوں کا اعلان کر دیا

پابندیوں کا شکارافرادسے امریکی شہری اور کمپنیاں تجارتی معاملات نہیں کرسکیں گی،محکمہ خزانہ

بدھ 17 ستمبر 2025 11:05

واشنگٹن (اُردو پوائنٹ اخبارتازہ ترین - این این آئی۔ 17 ستمبر2025ء)امریکا نے ایران سے متعلق نئی پابندیوں کا اعلان کر دیا۔امریکی محکمہ خزانہ نے پریس ریلیز جاری کرتے ہوئے ایران سے متعلقہ کئی شخصیات اور کمپنیوں پر پابندیاں لگانے کا اعلان کیا ہے۔

(جاری ہے)

محکمہ خزانہ کی جانب سے جاری بیان میں کہاگیا کہ پابندیوں میں ایرانی فوج کو مالی معاونت فراہم کرنے والے ادارے ، ہانگ کانگ اور متحدہ عرب امارات میں موجود کچھ عناصر شامل ہیں۔

ان پر الزام ہے کہ انہوں نے ایرانی تیل کی فروخت سے حاصل ہونے والی 10 کروڑ ڈالر مالیت کی کرپٹو کرنسی کی منتقلی میں تعاون کیا جو ایران کی حکومت اور فوج کے فائدے کے لیے استعمال کی گئی۔امریکی پابندیوں میں شامل افراد اور اداروں سے امریکی شہری اور کمپنیاں تجارتی معاملات نہیں کرسکیں گی۔