مریم نواز کا وزیرآباد کیلئے ای۔ بس پراجیکٹ کا آغاز

بدھ 17 ستمبر 2025 19:40

لاہور (اُردو پوائنٹ اخبارتازہ ترین - اے پی پی۔ 17 ستمبر2025ء) وزیراعلی پنجاب مریم نواز نے وزیرآباد کیلئے الیکٹرک بس پراجیکٹ کا آغاز کر دیا ہے۔ وزیر اعلی گکھڑ منڈی بس سٹاپ سے ای بس پر سوار ہوئیں ۔ مریم نواز کا خیر مقدم کرنے کیلئے الیکٹرک بس کے روٹ پر عوام کا بہت بڑا ہجوم امڈ آیا۔ الیکٹرک بس کے تمام راستے میں عوام پھولوں کی پتیاں نچھاور کرتے رہے۔

عوام وزیراعلی کی تصاویر لے کر راستے میں کھڑے تھے۔ وزیر اعلی نے الیکٹرک بس کا باقاعدہ افتتاح کیا ۔ وزیراعلی کو وزیرآباد الیکٹرک بس پراجیکٹ پر تفصیلی بریفنگ دی گئی۔ بریفنگ میں وزیراعلی کو بتایا گیا کہ وزیرآباد میں 15ماحول دوست الیکٹرک بسیں شہر کے مختلف مضافاتی روٹس پر چلائی جائیں گی۔ الیکٹرک بس میں مسافروں کیلئے وائی فائی اور ہر سیٹ پرموبائل چارجنگ پوٹ بھی میسر ہے۔

(جاری ہے)

ماحول دوست الیکٹرک بسیں مکمل طور پر ایئر کنڈیشنز اور آرام دہ ہیں ۔ بریفنگ میں مزید بتایا گیا کہ الیکٹر ک بس میں خواتین کے تحفظ اور سہولت کو مد نظر رکھتے ہوئے الگ کمپارٹمنٹ مختص کیا گیا ہے۔ خواتین کو ہراساں کرنے واقعات کے سدباب کیلئے سی سی ٹی وی کیمرے بھی الیکٹرک بس میں نصب ہیں۔ الیکٹرک بسیں وزیرآباد تا علی پور چٹھہ اور وزیرآباد تا شیخوپورہ موڑ کے روٹس پر چلائی جائیں گی۔ وزیرآباد میں الیکٹرک بسوں کے لئے تین خصوصی چارجنگ سٹیشن بھی قائم کیے گئے ہیں۔

Facebook Twitter Google + Share on Whatsapp

مریم نواز کا وزیرآباد کیلئے ای۔ بس پراجیکٹ کا آغاز

متعلقہ عنوان :

مزید قومی خبریں