لاڑکانہ،راجپر برادری کی پیپلز پارٹی میں شمولیت،نظم و ضبط کی پاسداری کرکے ساتھ نبھانے کا عزم

بدھ 17 ستمبر 2025 21:30

لاڑکانہ (اُردو پوائنٹ اخبارتازہ ترین - اے پی پی۔ 17 ستمبر2025ء) نوشہروفیروز سے تعلق رکھنے والے رئیس سکندر علی راجپر اور رئیس نادر علی راجپر نےنیشنل پیپلز پارٹی (جتوئی گروپ) کو الوداع کرکے پیپلز پارٹی میں شمولیت کا اعلان کر دیا۔نوشہروفیروز تحصیل کے گاؤں چیھو سے تعلق رکھنے والے راجپر برادری کے دونوں رہنماؤں نے پیپلز پارٹی میں شمولیت کا اعلان پیپلز پارٹی سندھ کے صدر نثار کھوڑو سے ملاقات کے دوران کیا۔

(جاری ہے)

رئیس سکندر علی راجپر اور رئیس نادر علی راجپر کی پیپلز پارٹی میں شمولیت کے موقع پر سابق ایم پی اے عبدالستار راجپر، لطف علی راجپر اور روشن علی راجپر موجود تھے۔اس موقع پر انہوں نے پیپلز پارٹی کے چیئرمین بلاول بھٹو زرداری کی قیادت پر اعتماد کرکے نیشنل پیپلز پارٹی جتوئی گروپ کو الوداع کرکے پیپلز پارٹی میں شمولیت کا اعلان کرتے ہیں۔پیپلز پارٹی کی تنظیمی نظم و ضبط کی پاسداری کرکے پارٹی کے ساتھ نبھائیں گے۔تاہم نثار کھوڑو صدر پی پی پی سندھ نے کہا کہ رئیس سکندر علی راجپر اور رئیس نادر علی راجپر کو پیپلز پارٹی میں شمولیت کرنے پر ویلکم کرتے ہیں۔دونوں رہنماؤں کی پیپلز پارٹی میں شمولیت پر نوشہرو فیروز میں پارٹی کی قوت میں اضافہ ہوگا۔