ایران نے میزائل پروگرام پر امریکی تنقید مسترد کر دی

جمعرات 18 ستمبر 2025 08:30

تہرا ن (اُردو پوائنٹ اخبارتازہ ترین - اے پی پی۔ 18 ستمبر2025ء) ایران نےامریکی وزیرِ خارجہ مارکو روبیو کی تنقید مسترد کر دی جس میں انہوں نے ایران کے میزائل پروگرام کو "ناقابلِ قبول خطرہ" قرار دیا تھا۔

(جاری ہے)

العربیہ کے مطابق وزارتِ خارجہ کے ترجمان اسماعیل بقائی نے صحافیوں کو بتایا کہ وہ لغو باتیں کر رہے تھے اور امریکا کو ایسی قوم کی دفاعی صلاحیتوں پر تبصرہ نہیں کرنا چاہیے جس نے کسی بھی قیمت پر اپنی آزادی کو برقرار رکھنے کا فیصلہ کر رکھا ہو۔انہوں نے اسرائیل کی طرف اشارہ کرتے ہوئے کہا کہ میزائل پروگرام ایران کے غیر ملکیوں بشمول امریکہ اور صیہونی حکومت کے لالچ، جارحیت اور حملوں کے خلاف کھڑے ہونےکا ذریعہ تھا۔