پنجاب میں سیاحتی فروغ سے معیشت پروان چڑھے گی، ڈاکٹر احسان بھٹہ

جمعرات 18 ستمبر 2025 14:41

راولپنڈی (اُردو پوائنٹ اخبارتازہ ترین - اے پی پی۔ 18 ستمبر2025ء) سیکرٹری سیاحت، آثار قدیمہ اور میوزیم ڈیپارٹمنٹ پنجاب ڈاکٹر احسان بھٹہ نے اس بات پر زور دیا ہے کہ ٹیکنالوجی کو بروئے کار لا کر اور سیاحت کو فروغ دے کر پنجاب جلد ہی ایک متحرک مرکز بن کر سرمایہ کاروں اور سیاحوں کو یکساں طور پر راغب کرے گا۔

(جاری ہے)

انہوں نے پنجاب انفارمیشن ٹیکنالوجی بورڈ (پی آئی ٹی بی ) کے حکام کے ساتھ اقدامات کا جائزہ لینے کے لیے ایک میٹنگ کی صدارت کی جس میں خطے میں سیاحت کو بڑھانا، محکمہ سیاحتی خدمات (ڈی ٹی ایس ) کو خودکار بنانا، کارکردگی اور شفافیت کو بہتر بنانے کے لیے لائسنسنگ کے عمل، مجوزہ چیٹ بوٹ کے ساتھ پنجاب ٹورازم ایپ تیار کرنا اور ریئل ٹائم سپورٹ کے لیے ریئل ٹائم سپورٹ کے لیے یوزر فرینڈلی ٹولز، اور رئیل ٹائم سپورٹ کے لیے ٹورازم، ایجنٹس، اسکیلیشن پروٹوکولز اور لائیو ڈیش بورڈ انضمام شامل ہیں۔

ڈاکٹر احسان بھٹہ نے مزید بتایا کہ ان اقدامات کا مقصد معاشی ترقی اور سیاحوں کے لیے نئے سیاحتی مقام فراہم کرنا ہے۔ یہ اقدامات وزیر اعلیٰ پنجاب مریم نواز اور چیف سیکرٹری زاہد اختر زمان کی ہدایت کے مطابق خطے کے تاریخی مقامات کے تحفظ اور نمائش کے لیے حکومت کے عزم کو اجاگر کرتے ہیں۔