آر پی او سرگودھا کی جانب سے کھلی کچہری کا انعقاد، شہریوں کے مسائل سنے اور موقع پر ہی حل کرنے کے احکامات جاری کئے

جمعرات 18 ستمبر 2025 17:05

سرگودھا (اُردو پوائنٹ اخبارتازہ ترین - اے پی پی۔ 18 ستمبر2025ء) ریجنل پولیس آفیسرسرگودھا محمد شہزاد آصف خان کی جانب سے ریجنل پولیس آفس سرگودھا میں کھلی کچہری کا انعقاد کیا گیا۔ آر پی او محمد شہزاد آصف خان نے کھلی کچہری کے موقع پر آنے والے شہریوں کے مسائل سنے اور موقع پر ہی حل کرنے کے احکامات جاری کئے۔ کھلی کچہری میں ریجن بھر سے آئے شہریوں نے شرکت کی اور اطمینان کا اظہار کیا۔

(جاری ہے)

آر پی او نے تمام شہریوں کی درخواستوں پر عملدرآمد کئے اور مسائل سنے اور اُن کے فوری حل کے لیے متعلقہ افسران کو احکامات جاری کرتے ہوئے رپورٹ طلب کر لی۔ ریجنل پولیس آفیسرمحمد شہزاد آصف خان نے کہا کہ میرے دروازے عوام کے لیے چوبیس گھنٹے کھلے ہیں آپکو جو بھی مسئلہ درپیش ہو مجھ سے فوری رابطہ کریں آپ کے مسائل کو میرٹ پر حل کیا جائے گا۔ عوامی خدمت ہی پولیس کی اولین ترجیح ہے۔ اس موقع پر ایس پی ہیڈ کوارٹر ضیاء اللہ، ایس پی انویسٹی گیشن جاوید اختر جتوئی ، ایس پی پی ایچ پی مدثر اقبال گجر، تمام سرکلز کے سب ڈویژنل پولیس آفیسرز، تھانہ جات کے ایس ایچ اوز اور تفتیشی افسران بھی موجود تھے۔