تربت یونیورسٹی میں علمی و تحقیقی کامیابیوں کا سفرجاری ،ایم فل/ایم ایس اسکالرز کا تحقیقی مقالوں کا کامیاب دفاع

جمعرات 18 ستمبر 2025 23:33

کوئٹہ(اُردو پوائنٹ اخبارتازہ ترین - این این آئی۔ 18 ستمبر2025ء) یونیورسٹی آف تربت کے شعبہ نیچرل اینڈ بیسک سائنسز کے ایم فل اسکالر (بائیو کیمسٹری) یاسر علی نے اپنے تحقیقی مقالے کا کامیاب دفاع کیا۔ انہوں نے اپنی تحقیق اسسٹنٹ پروفیسر ڈاکٹر جہانگیر خان اچکزئی کی نگرانی میں مکمل کی ہے۔ تھل یونیورسٹی بھکر پنجاب سے ڈاکٹر محمد کبیر نے ویڈیولنک کے ذریعے بطور ایکسٹرنل ایگزامینر سیشن میں شرکت کی۔

جبکہ شعبہ مینجمنٹ سائنسز کی ایم ایس اسکالر ماہ رازنے اسسٹنٹ پروفیسر ڈاکٹر محمد طاہر بادینی کی نگرانی میں اپنے مقالے کا کامیاب دفاع کیا۔ اس موقع پر لسبیلہ یونیورسٹی آف ایگریکلچر ،واٹراینڈمیرین سائنسز کے شعبہ اکنامکس کے ایسوسی ایٹ پروفیسر ڈاکٹر بالاچ رشیدنیایکسٹرنل ایگزامینرکے طور پر ویڈیو لنک کے ذریعے سیشن میں حصہ لیا۔

(جاری ہے)

دونوں سیشنز میں یونیورسٹی کے متعلقہ فیکلٹیزکے ڈین،تعلیمی شعبہ جات کے چیئرمین اور متعلقہ افسران نے بھی شرکت کی جن میں فیکلٹی آف سائنس، انجینئرنگ اینڈ آئی ٹی کے ڈین ڈاکٹر نعیم اللہ،فیکلٹی آف بزنس اینڈ اکنامکس کے ڈین ڈاکٹر عدیل احمد،شعبہ مینجمنٹ سائنسز کے چیئرمین ڈاکٹر غلام جان، شعبہ نیچرل اینڈ بیسک سائنسز کے چیئرمین ڈاکٹر جہانگیر خان اچکزئی، گریجویٹ اسٹڈیزکے ڈائریکٹر ڈاکٹر وسیم برکت اورکنٹرولر امتحانات ڈاکٹر عبدالماجدناصر شامل تھے۔

یونیورسٹی ترجمان کے مطابق اس وقت تربت یونیورسٹی میں سپرنگ 2026 کے لئیمختلف تعلیمی پروگرامز میں داخلے جاری ہیں جن میں دس گریجویٹ پروگرامز (ایم فل/ایم ایس/پی ایچ ڈی) سمیت پندرہ انڈرگریجویٹ ڈگری پروگرامز، بیس ایسوسی ایٹ ڈگری پروگرامز، تیرہ پوسٹ ایسوسی ایٹ ڈگری پروگرامز (پانچواں سمسٹر) اور سیلف فنانس اسکیم کے تحت نو مختلف پروگرامز شامل ہیں۔اہل امیدواروں کے لیے یہ ایک نادر موقع ہے کہ وہ اعلیٰ تعلیم یافتہ اور تجربہ کار فیکلٹی ممبران کی رہنمائی میں اپنے تعلیمی و تحقیقی سفر کو آگے بڑھانے کے لئیاس ممتازاورلیڈنگ انسٹیٹیوٹ کاحصہ بن سکتے ہیں۔ داخلے کی تفصیلات یونیورسٹی کی آفیشل ویب سائٹ اور آفیشل سوشل میڈیا پلیٹ فارمز پر دستیاب ہیں۔