سیالکوٹ میں نمازِ جمعہ کے دوران سکیورٹی کے فول پروف انتظامات

جمعہ 19 ستمبر 2025 17:02

سیالکوٹ (اُردو پوائنٹ اخبارتازہ ترین - اے پی پی۔ 19 ستمبر2025ء) سیالکوٹ میں نماز جمعہ کے سلسلے میں مساجدمیں سکیورٹی کے فول پروف انتظامات کیے گئے۔ ڈسٹرکٹ پولیس آفیسر فیصل شہزاد کی خصوصی ہدایت پرضلع بھر میں موجود اہم مساجد پر مسلح پولیس افسران و ملازمین نے ڈیوٹی سرانجام دی، ایلیٹ فورس اور محافظ سکواڈ کے جوان اہم مساجداور اہم امام بارگاہوں کے اردگرد گشت کناں رہے۔

(جاری ہے)

اس کے علاوہ ٹریفک کی روانی کو برقرار رکھنے کے لیے ٹریفک پولیس کے جوان بھی الرٹ رہے۔ نماز جمعہ میں شامل ہونے والے ہر شخص، گاڑی، موٹر سائیکل وغیرہ کو مکمل چیکنگ کے بعد آنے دیا گیا۔ علاوہ ازیں چیکنگ کے لئے اہم پوائنٹس پر واک تھرو گیٹس اورمیٹل ڈیٹیکٹرز کا استعمال یقینی بنایا گیا۔مساجد اور امام بارگاہوں کے باہر مناسب پارکنگ کا بندوبست بھی کیا گیا۔