سرفراز بگٹی سے حافظ نعیم الرحمان کی ملاقات، سیاسی و سماجی صورتحال پر تبادلہ خیال

نوجوانوں کو آئی ٹی کی تربیت دینے کیلئے اقدامات پر اتفاق رائے، وزیراعلیٰ بلوچستان کا آئی ٹی تربیتی پروگرامز پراظہار تشکر

ہفتہ 20 ستمبر 2025 11:15

کوئٹہ(اُردو پوائنٹ اخبارتازہ ترین - این این آئی۔ 20 ستمبر2025ء) وزیراعلیٰ بلوچستان سرفراز بگٹی سے حافظ نعیم الرحمان کی ملاقات ہوئی، ملاقات میں بلوچستان کی سیاسی، سماجی اور مجموعی صورتحال پر تبادلہ خیال کیا گیا۔

(جاری ہے)

ملاقات میں نوجوانوں کو آئی ٹی کی تربیت دینے کیلئے اقدامات پر اتفاق رائے کیا گیا، وزیراعلیٰ بلوچستان نے آئی ٹی تربیتی پروگرامز کے انعقاد پر حافظ نعیم الرحمان سے اظہار تشکر کیا، حافظ نعیم الرحمان نے بلوچستان حکومت کے اقدامات پر اظہار اطمینان کیا۔

حافظ نعیم الرحمان نے آئی ٹی تربیتی پروگرامز کو وسعت دینے کے عزم کا اعادہ کیا، تقریب سے خطاب میں حافظ نعیم الرحمان کا کہنا تھا کہ معیاری اور مفت تعلیم فراہم کرنا حکومت کی ذمہ داری ہے، جب ہم ٹیکس دیتے ہیں تو حکومت کی ذمہ داری ہے ہمیں تعلیم دے۔انہوں نے مزید کہا تھا کہ حکومت نوجوانوں کو آئی ٹی پروگرام میں سہولیات فراہم کرے تو برآمدات بڑھیں گی، بنو قابل پروگرام کے تحت ہم مفت کورس کرائیں گے۔