خاتون کے قتل میں سزائے موت پانے والا ہائیکورٹ سے بری

ہائیکورٹ کے دو رکنی بنچ نے عدالت نے ٹرائل کورٹ کا فیصلہ کالعدم قرار دیدیا

بدھ 1 اکتوبر 2025 13:44

خاتون کے قتل میں سزائے موت پانے والا ہائیکورٹ سے بری

لاہور (اُردو پوائنٹ اخبارتازہ ترین - این این آئی۔ 01 اکتوبر2025ء) لاہور ہائیکورٹ نے خاتون کے قتل کیس میں سزائے موت پانے والے مجرم سرفراز کو 5سال بعد بری کر دیا۔عدالت نے ٹرائل کورٹ کی جانب سے دی گئی پھانسی کی سزا کو بھی کالعدم قرار دے دیا۔

(جاری ہے)

لاہور ہائیکورٹ کے جسٹس شہرام سرور چودھری پر مشتمل دو رکنی بنچ نے فیصلہ سناتے ہوئے کہا ہے کہ ڈی این اے میچ نہ ہونے پر شک کا فائدہ ملزم کو دیا گیا ہے۔تھانہ غالب مارکیٹ نے 3اکتوبر 2020ء کو خاتون کے قتل کا مقدمہ درج کیا تھا جس میں سرفراز کو ٹرائل کورٹ نے سزائے موت سنائی تھی۔