سوشل میڈیا پر دولت کی نمود و نمائش کرنے والے امیر افراد ایف بی آر کے ریڈار پر آگئے

ہفتہ 20 ستمبر 2025 13:13

لاہور(اُردو پوائنٹ اخبارتازہ ترین - این این آئی۔ 20 ستمبر2025ء)سوشل میڈیا پر دولت کی نمود و نمائش کرنے والے امیر افراد ایف بی آر کے ریڈار پر آگئے۔ایف بی آرسوشل میڈیا ٹیم نے شاہانہ لائف اسٹائل رکھن یوالے ایک لاکھ امیر افراد کا ڈیٹا جمع کر لیا۔حکام نے واضح کیا ہے کہ بڑے بڑے بنگلوں،چمچماتی گاڑیوں،زیورات کی نمائش کرنے والوں کو نہیں چھوڑا جائے گا ،شادیوں پر شاہانہ اخراجات کرنے والے بھی زد میں آئیں گے۔

(جاری ہے)

ذرائع ایف بی آر کے مطابق شادیوں پر بیس ،بیس ہزارڈالرمالیت کے سوٹ استعمال کئے جارہے ہیں،انکم ٹیکس گوشواروں میں شاہانہ لائف اسٹائل ظاہرنہ کرنے والے پکڑمیں آئیں گے،ایف بی آرگزشتہ سال جمع کرائے گئے گوشواروں کا اس سال سے موازنہ کرے گا۔ایف بی آر کے مطابق مجموعی گوشواروں میں سے 80 فیصدکا آڈٹ کیا جائے گا،دولت کی نمائش کرنے والوں کوٹیکس ریٹرن کے ذریعے ذرائع آمدن بتانا پڑیں گے،گوشواروں میں سالانہ آمدن کا اضافہ ظاہرنہ کرنے والوں کے خلاف کارروائی ہوگی۔حکام ایف بی آر کے مطابق ایسے لوگ قانونی کارروائی سے بچنے کیلئے اپنے ٹیکس ریٹرن اپ ڈیٹ کر لیں، انکم ٹیکس گوشواروں میں اپ ڈیٹڈ معلومات دینے والوں کو فی الحال کچھ نہیں کہا جائے گا۔