جعفر ایکسپریس حملے کا ماسٹر مائنڈ افغانستان میں پراسرار طور پر ہلاک

گل رحمان فتنہ الہندوستان کا ٹرینر اور آپریشنل کمانڈر تھا، دہشت گرد گل رحمان پاکستانی سکیورٹی فورسز، چینی شہریوں، معصوم پاکستانیوں اور مختلف اداروں پر حملوں میں ملوث تھا؛ ذرائع

ساجد علی ہفتہ 20 ستمبر 2025 14:16

جعفر ایکسپریس حملے کا ماسٹر مائنڈ افغانستان میں پراسرار طور پر ہلاک

کابل ( اُردو پوائنٹ اخبارتازہ ترین۔ 20 ستمبر2025ء ) جعفر ایکسپریس حملے کا ماسٹر مائنڈ گل رحمان عرف استاد مرید افغانستان میں پر اسرار طور ہلاک ہوگیا۔

(جاری ہے)

میڈیا رپورٹس کے مطابق ذرائع کا کہنا ہے کہ فتنہ الہندوستان کا دہشت گرد گل رحمان عرف استاد مرید افغانستان میں پراسرارطورپرہلاک ہوچکا ہے، بھارتی میڈیا اور سوشل میڈیا سے معلوم ہوا ہے کہ فتنہ الہندوستان کا دہشت گرد افغانستان کے صوبے ہلمند میں17 ستمبر 2025ء کو ہلاک ہوا، دہشت گرد گل رحمان فتنہ الہندوستان ( مجید بریگیڈ) کا ٹرینر اور آپریشنل کمانڈر تھا، دہشت گرد گل رحمان پاکستانی سکیورٹی فورسز، چینی شہریوں، معصوم پاکستانیوں اور مختلف اداروں پر حملوں میں ملوث تھا۔

ذرائع نے بتایا ہے کہ فتنہ الہندوستان نے پاکستان کے نہتے معصوم شہریوں، سیکیورٹی فورسز اور سی پیک منصوبوں کو نشانہ بنایا، فتنہ الہندوستان نے جعفر ایکسپریس، کراچی میں چینی قونصلیٹ اور گوادر پی سی ہوٹل میں دہشتگردانہ کاروائیاں کیں، فتنہ الہندوستان نے خضدار سکول بس دھماکہ، کراچی میں کنفیوشس انسٹیٹوٹ خود کش دھماکہ، پاکستان سٹاک ایکسچینج حملہ اور کوئٹہ ریلوے اسٹیشن میں دہشت گردانہ کاروائیاں کیں، امریکہ فتنہ الہندوستان کے مجید بریگیڈ کو عالمی دہشت گرد تنظیم قرار دے چکا ہے۔