Live Updates

پنجاب کے دریائوں میں پانی کا بہائو نارمل ہونے سےسیلاب سے متاثرہ علاقوں میں بھی پانی میں نمایاں کمی ہوئی ، ترجمان پی ڈی ایم اے

ہفتہ 20 ستمبر 2025 13:05

لاہور (اُردو پوائنٹ اخبارتازہ ترین - اے پی پی۔ 20 ستمبر2025ء) پنجاب کے بیشتر دریائوں میں پانی کا بہائو نارمل ہو چکا ہے جس کے بعد سیلاب سے متاثرہ علاقوں میں بھی پانی کی سطح میں نمایاں کمی واقع ہوئی ہے۔ ترجمان پی ڈی ایم اے نے کہا کہ دریائے ستلج گنڈا سنگھ والا کے مقام پر پانی کا بہائو1 لاکھ 4 ہزار کیوسک ہے جبکہ سلیمانکی کے مقام پر پانی کا بہائو 81 ہزار کیوسک ہے۔

(جاری ہے)

دریائے چناب میں مرالہ کے مقام پر پانی کا بہائو 42 ہزار کیوسک ہے ،خانکی ہیڈ ورکس کے مقام پر پانی کا بہائو 44 ہزار کیوسک ہے، قادر آباد کے مقام پر پانی کا بہائو 37 ہزار کیوسک ہے جبکہ ہیڈ تریموں کے مقام پر پانی کا بہائو 41 ہزار کیوسک ہے،اسی طرح پنجند کے مقام پر پانی کا بہا ئو1 لاکھ 33 ہزار کیوسک ہے۔ ترجمان کے مطابق دریائے راوی میں جسڑ کے مقام پر پانی کا بہائو 8 ہزار کیوسک ہے، شاہدرہ کے مقام پر پانی کا بہائو 9 ہزار کیوسک ہے،بلوکی ہیڈ ورکس کے مقام پر پانی کا بہائو31 ہزار کی کیوسک ہے جبکہ ہیڈ سدھنائی کے مقام پر پانی کا بہائو 29 ہزار کیوسک ہے۔ ڈی جی پی ڈی ایم اے عرفان علی کاٹھیا نے کہا کہ وزیر اعلی پنجاب کی ہدایات کے پیش نظر محکمے الرٹ ہیں۔