پشاور ، تھانہ سربند پولیس کی کارروائی، تین ملزمان گرفتار، پانچ کلو گرام آئس برآمد

ہفتہ 20 ستمبر 2025 16:49

پشاور (اُردو پوائنٹ اخبارتازہ ترین - اے پی پی۔ 20 ستمبر2025ء) پشاور بھر میں مختلف جرائم کے تدارک اور خطرناک نشہ آئس سے معاشرہ کو پاک کرنے کیلئے کارروائیاں مزید تیز کردی گئی ہیں۔ اس سلسلے میں ایس ایچ او تھانہ سربند فواد خان نے دیگر نفری پولیس کے ہمراہ آئس ڈیلروں کے خلاف کامیاب کریک ڈاؤن کے دوران تین ملزمان کو گرفتار کرلیا۔

(جاری ہے)

پولیس کے مطابق گرفتار ملزمان میں آئس سمگلر، آئس ڈیلر اور سرگرم آئس فروش جلال، دلشاد اور عمران شامل ہیں۔ ملزمان کے قبضے سے مجموعی طور پر پانچ کلوگرام آئس بھی برآمد کرلی گئی ہے۔ گرفتار ملزمان نے ابتدائی تفتیش کے دوران آئس کے مکروہ دھندے میں ملوث ہونے کا اعتراف کرلیا، جن کے خلاف مقدمات درج کرکے تفتیش شروع کردی گئی ہے۔