امریکا، شادی کی تقریب کے شرکا پر فائرنگ، ایک شخص ہلاک

مسلح شخص نے شادی حال میں گھس کر اندھا دھند فائرنگ کر دی،تحقیقات جاری

اتوار 21 ستمبر 2025 12:55

واشنگٹن(اُردو پوائنٹ اخبارتازہ ترین - این این آئی۔ 21 ستمبر2025ء)امریکی ریاست نیو ہیمپشائر کیشہر ناشوا کے ایک کنٹری کلب میں شادی کی تقریب کے شرکا پر فائرنگ کے نتیجے میں ایک شخص ہلاک اور متعدد زخمی ہو گئے ۔ عرب ٹی وی کے مطابق پولیس نے ایک مشتبہ شخص کو حراست میں لے لیا ہے ۔

(جاری ہے)

رپورٹ کے مطابق سکائی میڈو کنٹری کلب میں شادی کی تقریب کے دوران لوگ کھانا کھا رہے تھے کہ ایک مسلح شخص نے وہاں داخل ہو کر ان پر اندھا دھند فائرنگ کر دی۔مقامی حکام نے شہریوں کو فی الحال کنٹری کلب سے دور رہنے کی ہدایت کی ہے۔نیو ہیمپشائر سٹیٹ پولیس نے تصدیق کی ہے کہ وہ واقعہ کی تحقیقات میں ناشوا پولیس کی مدد کر رہے ہیں۔