ْشہید اسسٹنٹ کمشنر افضل نے فرض کی ادائیگی کے دوران جان کا نذرانہ پیش کیا ،میر سرفراز بگٹی

معصوم جانوں کے قاتل اور امن کے دشمن اپنے انجام سے ہرگز نہیں بچ سکیں گے،وزیر اعلیٰ بلوچستان

اتوار 21 ستمبر 2025 20:05

ْشہید اسسٹنٹ کمشنر افضل نے فرض کی ادائیگی کے دوران جان کا نذرانہ پیش ..

کوئٹہ(اُردو پوائنٹ اخبارتازہ ترین - این این آئی۔ 21 ستمبر2025ء)وزیر اعلیٰ بلوچستان میر سرفراز بگٹی نے زیارت کے اسٹنٹ کمشنر محمد افضل اور ان کے بیٹے کو شہید کرنے کے المناک واقعے کی شدید الفاظ میں مذمت کی ہے انہوں نے کہا کہ اس بزدلانہ اور سفاکانہ کارروائی کی جتنی بھی مذمت کی جائے کم ہے وزیر اعلیٰ نے کہا کہ شہید اسٹنٹ کمشنر محمد افضل ایک فرض شناس، محنتی اور قابل افسر تھے جنہوں نے اپنی ذمہ داریاں ایمانداری اور دیانت کے ساتھ نبھائیں انہوں نے کہا کہ شہید محمد افضل نے فرض کی ادائیگی کے دوران اپنی جان کا نذرانہ پیش کیا اور وہ ہمیشہ عوام کے دلوں میں زندہ رہیں گے وزیر اعلیٰ بلوچستان نے شہید اسٹنٹ کمشنر محمد افضل اور ان کے بیٹے کی قربانی کو خراج عقیدت پیش کرتے ہوئے کہا کہ ان کے خون کو رائیگاں نہیں جانے دیا جائے گا انہوں نے واضح کیا کہ معصوم جانوں کے قاتل اور امن کے دشمن اپنے انجام سے ہرگز نہیں بچ سکیں گے وزیر اعلیٰ بلوچستان نے شہدائ کے لواحقین سے دلی ہمدردی اور تعزیت کا اظہار کرتے ہوئے کہا کہ صوبائی حکومت دکھ کی اس گھڑی میں ان کے ساتھ کھڑی ہے۔

(جاری ہے)