Live Updates

پنجاب کے دریائوں میں سیلاب کی صورتحال نارمل ہے، ترجمان پی ڈی ایم اے

پیر 22 ستمبر 2025 12:10

لاہور (اُردو پوائنٹ اخبارتازہ ترین - اے پی پی۔ 22 ستمبر2025ء) پی ڈی ایم اے پنجاب نے کہا ہے کہ پنجاب کے تمام دریائوں میں پانی کا بہائو نارمل ہو چکا ہے،وزیر اعلی پنجاب کی ہدایات کے پیش نظر تمام متعلقہ محکمے الرٹ اور مصروف عمل ہیں۔ ترجمان پی ڈی ایم اے کے مطابق دریائوں میں سیلابی صورتحال نارمل ہونے کے بعد سیلاب سے متاثرہ علاقوں میں بھی پانی کی سطح میں واضح کمی ہوئی ہے۔

دریائے ستلج میں نچلے درجے کا سیلاب ہے اور گنڈا سنگھ والا کے مقام پر پانی کا بہائو95 ہزار کیوسک ہے، سلیمانکی کے مقام پر پانی کا بہائو 81 ہزار کیوسک ہے۔

(جاری ہے)

دریائے چناب میں مرالہ کے مقام پر پانی کا بہا ئو55 ہزار کیوسک ہے، خانکی ہیڈ ورکس کے مقام پر پانی کا بہائو 24 ہزار کیوسک ہے، قادر آباد کے مقام پر پانی کا بہائو 29 ہزار کیوسک جبکہ ہیڈ تریموں کے مقام پر پانی کا بہائو 35 ہزار کیوسک ہے۔

ترجمان کے مطابق پنجند کے مقام پر پانی کا بہا ئو ایک لاکھ 18 ہزار کیوسک ہے۔ دریائے راوی میں جسڑ کے مقام پر پانی کا بہا ئو6 ہزار کیوسک ہے ، شاہدرہ کے مقام پر پانی کا بہائو 9 ہزار کیوسک ہے،بلوکی ہیڈ ورکس کے مقام پر پانی کا بہائو 28 ہزار کیوسک جبکہ ہیڈ سدھنائی کے مقام پر پانی کا بہائو 30 ہزار کیوسک ہے۔