ڈی آئی جی سکیو رٹی ڈویژن میں ترقی پانے والے پولیس افسران کو رینک لگائے گئے

پیر 22 ستمبر 2025 21:14

اسلام آباد (اُردو پوائنٹ اخبارتازہ ترین - اے پی پی۔ 22 ستمبر2025ء) ڈی آئی جی سکیورٹی ڈویژن دفتر میں رینک لگانے کی تقریب کا انعقاد ہوا۔ڈی آئی جی سکیو رٹی ڈویژن محمد عتیق طاہرنے محکمانہ ترقی پانے والے پولیس افسران کو رینک لگائے ، مبارکباد دی اور ان کے لئے نیک خواہشات کا اظہار کیا۔پولیس ترجمان کے مطابق ڈپٹی انسپکٹر جنرل آف پولیس سکیورٹی ڈویژن دفتر میں اگلے عہدوں پر ترقی پانے والے پولیس افسران کے اعزاز میں تقریب کا انعقاد کیا گیا۔

تقریب میں ڈی آئی جی سکیورٹی/لاءاینڈ آرڈر محمد عتیق طاہر نے سینئر افسران کے ہمراہ مختلف عہدوں پر محکمانہ ترقی پانے والے پولیس افسران کو رینک لگائے۔ انہوں نے تمام ترقی یاب ہونے والے پولیس افسران کومبارکباد دی اور ان کے لئے نیک خواہشات کا اظہار کیا۔

(جاری ہے)

اس موقع پر ڈی آئی جی سکیورٹی ڈویژن نے ترقی پانے والے پولیس افسران سے خطاب کرتے ہوئے کہا کہ اب آپ سب کے کندھوں پر ذمہ داریاں مزیدبڑھ گئی ہیں ، آئی جی اسلام آباد سید علی ناصر رضوی نے واضح احکامات جاری کئے ہیں کہ تمام خالی پوسٹوں پر ترقیوں کا سلسلہ جاری رکھا جائے ،یہ آپ کی محنت اور کاوشوں کے صلہ ہے کہ اللہ تعالی نے آپ کو اس مقام پرپہنچایا ہے، اب آپ کو پہلے سے زیادہ ذمہ داریاں سونپی گئی ہیں،آپ ان عہدوں پر اپنے فرائض منصبی احسن طریقے سے سرانجام دیتے ہوئے اپنے محکمہ کی نیک نامی کا باعث بنیں اور محکمہ پولیس کی ویلفیئر، شہریوں کوانصاف کی فراہمی کو اپنااولین شعار بناتے ہوئے آسانیاں پیدا کرنے کا باعث بنیں۔

انہوں نے مزید کہا کہ میں امید کرتا ہوں کہ آپ ہمیشہ کی طرح خوش اخلاقی، دلجمعی، نیک نیتی اور شہریوںکی مدد کے جذبے سے سرشار ہو کر فرائض منصبی سرانجام دیں گے۔