منی پور میں بھارتی فوجی قافلے پر بڑا حملہ، کئی اہلکار ہلاک و زخمی

33 آسام رائفلز کے قافلے کو گھات لگا کر نشانہ بنایا گیا،بھارتی میڈیا

منگل 23 ستمبر 2025 15:47

نئی دہلی(اُردو پوائنٹ اخبارتازہ ترین - این این آئی۔ 23 ستمبر2025ء)بھارت کی شمال مشرقی ریاست منی پور میں سیکیورٹی صورتحال مزید بگڑ گئی ہے، جہاں مسلح افراد نے بھارتی فوج کے قافلے پر بڑا حملہ کیا جس میں بھارتی فوج کے کئی اہلکار ہلاک اور کئی زخمی ہو گئے۔بھارتی میڈیا کے مطابق نمبول کے قریب 33 آسام رائفلز کے قافلے کو گھات لگا کر نشانہ بنایا گیا، قافلہ پٹسوئی کمپنی آپریٹنگ بیس سے نمبول کی طرف جا رہا تھا کہ مسلح افراد نے ہائی وے پر اچانک حملہ کر دیا۔

(جاری ہے)

تاحال کسی گروپ نے حملے کی ذمہ داری قبول نہیں کی، علاقے میں سرچ آپریشن جاری ہے اور بھارتی فورسز حملہ آوروں کی تلاش کے لیے چھاپے مار رہی ہیں۔مقامی نوجوان قابض بھارتی فوج کے خلاف مزاحمتی صفوں میں شامل ہو رہے ہیں جس سے بھارتی فوجی قافلوں اور چوکیوں پر بھرپور حملے کیے جاریے ہیں، منی پور کی بگڑتی سکیورٹی صورتحال نے بھارتی فوج کے سکیورٹی دعوں کو جھوٹا ثابت کر دیا ہے۔آزادی کے خواہاں مقامی نوجوانوں نے حالیہ حملوں سے ثابت کر دیا کہ منی پور اب نئی دہلی کے کنٹرول سے نکل چکا ہے، بڑھتی مزاحمت اس بات کا ثبوت ہے کہ جبر اور فوجی تسلط منی پور کے عوام کی آزادی کے خواب کو ختم نہیں کر سکتا۔