Live Updates

ابرار اور ہسارنگا نے ایک دوسرے سے جشن کے انداز بدل لیے، میچ کے بعد گلے لگ گئے

بدھ 24 ستمبر 2025 16:27

ابوظبی (اُردو پوائنٹ اخبارتازہ ترین - این این آئی۔ 24 ستمبر2025ء)ابوظبی میں کھیلے گئے ایشیا کپ سپر فور مرحلے کے اہم میچ میں پاکستان کے مسٹری اسپنر ابرار احمد نے سری لنکن آل راؤنڈر ہسارنگا کو آؤٹ کرنے کے بعد اُنہی کے انداز میں جشن منایا۔تفصیلات کے مطابق پاکستان اور سری لنکا کے میچ کے درمیان دلچسپ صورتحال اس وقت دیکھنے میں آئی جب سری لنکا کے ہسارنگا نے فخر زمان کا شاندار کیچ تھاما تو انہوں نے ابرار کے انداز میں سیلیبریٹ کیا، پھر صائم کو بولڈ کرکے ابرار احمد کی طرح انداز اپنایا۔

(جاری ہے)

اس سے قبل میچ کی پہلی اننگز میں ابرار نے 13ویں اوور کی پہلی گیند پر ہسارنگا کو بولڈ کیا اور فوراً اُن کے انداز میں سیلیبریٹ کیا جس پر سوشل میڈیا پر شائقین نے خوب داد دی۔میچ کے اختتام پر دونوں کرکٹرز نے بہترین اسپورٹس مین اسپرٹ دکھائی اور ایک دوسرے سے گلے ملے۔واضح رہے کہ ایشیا کپ ٹی ٹوئنٹی ٹورنامنٹ کے سپر 4 مرحلے میں پاکستان نے سری لنکا کو 5 وکٹوں سے شکست دے کر 2 اہم پوائنٹس حاصل کرلیے۔پاکستان نے سری لنکا کا 134 رنز کا ہدف 18 اوورز میں 5 وکٹوں کے نقصان پر حاصل کیا۔