Live Updates

صاحبزادہ فرحان نے ایک سال میں 1500 رنز بنالیے

ٹی20 ایشیا کپ کے سپر فور مرحلے میں سری لنکا کے خلاف 15 گیندوں پر 24 رنز بنائے

بدھ 24 ستمبر 2025 15:33

صاحبزادہ فرحان نے ایک سال میں 1500 رنز بنالیے

ابوظبی (اُردو پوائنٹ اخبارتازہ ترین - این این آئی۔ 24 ستمبر2025ء)پاکستان کرکٹ ٹیم کے اوپنر صاحبزادہ فرحان نے سال 2025ء میں 1500 ٹی20 رنز مکمل کرلیے ہیں۔تفصیلات کے مطابق ٹی20 ایشیا کپ کے سپر فور مرحلے میں سری لنکا کے خلاف 15 گیندوں پر 24 رنز بنائے، وہ آؤٹ ہونے سے پہلے سنگ میل عبور کرچکے تھے۔

(جاری ہے)

صاحبزادہ فرحان نے سال 2025ء میں 35 اننگز کھیلی اور 1500 رنز مکمل کیے، وہ ایک سال میں ٹی20 کرکٹ میں یہ کارنامہ انجام دینے والے چوتھے پاکستانی بیٹر بن گئے ہیں۔

بابر اعظم، محمد رضوان اور شان مسعود بھی ایک سال میں 1500 رنز کرچکے ہیں، بابر اعظم نے سال 2019، 2021 اور 2024ء میں 3 مرتبہ یہ کارنامہ انجام دیا۔محمد رضوان نے 2021 اور 2022 جبکہ شان مسعود نے سال 2022ء میں یہ سنگ میل عبور کیا تھا۔صاحبزادہ فرحان نے رواں سال پاکستان کے ساتھ پشاور ریجن اور اسلام آباد یونائیٹڈ کی ٹی 20 کرکٹ میں نمائندگی کی ہے۔