24 گھنٹے کے دوران اسلام آباد اور راولپنڈی میں ڈینگی کے 54 نئے کیسز رپورٹ

بدھ 24 ستمبر 2025 17:01

اسلام آباد(اُردو پوائنٹ اخبارتازہ ترین - این این آئی۔ 24 ستمبر2025ء)اسلام آباد اور راولپنڈی میں ڈینگی کیسزمیں اضافہ ہوگیا،گزشتہ 24گھنٹے کے دوران دونوں شہروں میں مجموعی طور پرڈینگی کے 54 نئے مریض رپورٹ ہوئے۔

(جاری ہے)

محکمہ صحت کی مطابق راولپنڈی میں 24 گھنٹے کے دوران مزید 23 افراد میں ڈینگی وائرس کی تشخیص ہوئی،راولپنڈی میں جولائی سے اب تک مریضوں کی تعداد 511 تک جا پہنچی ،رواں برس مجموعی طور پر 523 مریض سامنے آئے جن میں 60 افراد مختلف ہسپتالوں میں زیر علاج ہیں۔

ادھر اسلام آباد میں 24گھنٹے کے دوران ڈینگی کے 31 نئے کیسز رپورٹ ہوئے،جن میں 22دیہی اور 9 شہری علاقوں سے سامنے آئے، بھارہ کہو سے 6،روات سے 4 اور ترائی سے 3 مریض رپورٹ ہوئے، علی پور، سوہان، سہالہ،ترنول اور بی سترہ سیدو دو کیسز جبکہ جی ایٹ،جی سیون، جی فورٹین،ایف سیون، ای الیون، ایف الیون،آئی فورٹین اور کورال سے ایک ایک کیس رپورٹ ہوا۔ رواں سیزن میں اسلام آباد سے مجموعی طور پر سات سو بیس مریض سامنے آچکے ہیں۔