Live Updates

صائم ایوب نے ٹی ٹونٹی کرکٹ کا ناپسندیدہ ورلڈ ریکارڈ برابر کر دیا

صائم ایشیا کپ ٹی ٹونٹی میں بنگلادیش کیخلاف میچ میں ایک بار پھر صفر پر آؤٹ ہوئے

ذیشان مہتاب جمعہ 26 ستمبر 2025 10:20

صائم ایوب نے ٹی ٹونٹی کرکٹ کا ناپسندیدہ ورلڈ ریکارڈ برابر کر دیا

لاہور (اردو پوائنٹ تازہ ترین اخبار ۔ 26 ستمبر 2025ء ) پاکستانی بیٹر صائم ایوب نے ٹی ٹوئنٹی کرکٹ کا ناپسندیدہ ورلڈ ریکارڈ برابر کر دیا۔

بائیں ہاتھ کے 23 سالہ بیٹر صائم ایوب ایشیاء کپ ٹی ٹونٹی میں بنگلادیش کے خلاف میچ میں ایک بار پھر صفر پر آؤٹ ہوگئے۔

صائم متحدہ عرب امارات میں جاری ایونٹ میں چوتھی اور رواں سال میں چھٹی بار صفر پر پویلین لوٹے ہیں۔

(جاری ہے)

مسلسل صفر پر آؤٹ ہونے کے بعد صائم ایوب نے ٹی ٹونٹی انٹرنیشنل میں ایک کلینڈر ائیر میں سب سے زیادہ صفرپر آؤٹ ہونے کا ورلڈ ریکارڈ برابر کر دیا۔

Saim Ayub now has four ducks in Asia Cup 2025 pic.twitter.com/GdkATcTxQe
— ESPNcricinfo (@ESPNcricinfo) September 25, 2025

صائم ایوب 2025ء میں سب سے زیادہ 6 بار صفر پر آؤٹ ہوئے۔ اس سے قبل زمبابوے کے فاسٹ باولر رچرڈ نگاروا 2024ء میں ٹی ٹونٹی میں 6 مرتبہ بغیر کوئی رن بنائے پویلین لوٹے تھے۔

یہ 3 پلس ممالک کے ٹی ٹونٹی ٹورنامنٹ میں صائم ایوب کی چوتھی بغیر سکور کیے آئوٹ ہونے کی باری ہے۔ اس طرح کے ٹورنامنٹ میں کل 13 کھلاڑی 4 مرتبہ صفر پر آئوٹ ہوئے۔ صائم ایوب ان 13 کھلاڑیوں میں ٹیسٹ کھیلنے والے ملک کے واحد بلے باز ہیں اور اس فہرست میں واحد ٹاپ 6 میں بیٹنگ کرنے والے بلے باز ہیں۔