Live Updates

پہلے اوور میں زیادہ بار وکٹ، شاہین آفریدی نے لاستھ مالنگا کو پیچھے چھوڑ دیا

بنگلہ دیش کے خلاف ایشیا کپ ٹی ٹونٹی کے سپر فور مرحلے کے اہم میچ میں شاہین آفریدی نے پاکستان کی جیت میں اہم کردار ادا کیا

ذیشان مہتاب جمعہ 26 ستمبر 2025 14:14

پہلے اوور میں زیادہ بار وکٹ، شاہین آفریدی نے لاستھ مالنگا کو پیچھے ..

لاہور (اردو پوائنٹ تازہ ترین اخبار ۔ 26 ستمبر 2025ء ) قومی کرکٹ ٹیم کے اسٹار فاسٹ بولر شاہین آفریدی انٹرنیشنل کرکٹ میں پہلے اوور میں زیادہ مرتبہ وکٹ لینے والے باولرز کی فہرست میں سابق سری لنکن پیسر لاستھ مالنگا اور سابق بھارتی فاسٹ باولر ظہیر خان سے آگے نکل گئے۔

بنگلہ دیش کے خلاف ایشیا کپ ٹی ٹوئنٹی کے سپر فور مرحلے کے اہم میچ میں شاہین آفریدی نے پاکستان کی جیت میں اہم کردار ادا کیا۔

انہوں نے نہ صرف بیٹنگ میں برق رفتار 19 رنز بنائے بلکہ پہلے ہی اوور میں وکٹ لینے کی اپنی روایت بھی برقرار رکھی۔

شاہین نے پہلے ہی اسپیل میں بنگلہ دیش کے دو ٹاپ آرڈر بلے بازوں کو پویلین واپس بھیج دیا۔

17ویں اوور میں شاہین نے بنگلہ دیش کو جیت کے قریب لے جانے والے شمیم حسین کو چلتا کیا اور پاکستان کی جیت کی راہ ہموار کردی۔

(جاری ہے)

انہوں نے چار اوورز میں 17 رنز کے عوض تین وکٹیں حاصل کیں۔

شاہین آفریدی اب تک انٹرنیشنل کرکٹ میں اپنے پہلے اوور میں 37 کھلاڑیوں کو پوویلین بھیج چکے ہیں۔

اس فہرست میں آسٹریلیا کے مچل سٹارک 60 وکٹوں کے ساتھ پہلے، سابق برطانوی پیسر جیمز اینڈرسن 53 شکار کرکے دوسرے جب کہ سابق سری لنکن پیسر چمندا واس 45 وکٹوں کے ساتھ تیسرے نمبر پر ہیں۔ لاسنتھ مالنگا اور ظہیر خان اس فہرست میں 36،36 وکٹیں لیکر مشترکہ طور پر پانچویں نمبر پر ہیں۔