لاہور، خاتون سے گاڑی چھیننے کی ویڈیو سامنے آگئی، ملزمان گرفتار

خاتون کی گاڑی کو پیچھے سے موٹرسائیکل سے ٹکر ماری، خاتون دیکھنے کیلئے گاڑی سے باہر نکلی تو ایک ملزم گاڑی میں بیٹھ کر فرار

اتوار 28 ستمبر 2025 12:10

لاہور(اُردو پوائنٹ اخبارتازہ ترین - این این آئی۔ 28 ستمبر2025ء)لاہور میں خاتون شہری سے گاڑی چھیننے کی ویڈیو سامنے آگئی، واردات میں ملوث ملزمان کو پولیس نے گرفتار کرلیا ہے۔اقبال ٹاؤن پولیس نے خاتون شہری سے اسلحے کے زور پر گاڑی چھیننے والے ملزمان کو گرفتار کرلیا ہے۔

(جاری ہے)

پولیس کے مطابق ملزمان نے واردات کی نیت سے خاتون کی گاڑی کو پیچھے سے موٹرسائیکل سے ٹکر ماری جس کے بعد خاتون دیکھنے کے لیے گاڑی سے باہر نکلی تو ایک ملزم گاڑی میں بیٹھ گیا اور فرار ہوگیا۔پولیس نے خاتون کی مدعیت میں مقدمہ درج کر کے تفتیش شروع کی تھی۔پولیس کے مطابق ملزمان سے چھینی ہوئی گاڑی، نقدی، پستول، گولیاں اور موبائل فون بھی برآمد ہوا ہے۔