پی سی بی نے قائداعظم ٹرافی کے شیڈول کا اعلان کردیا

پریمیر فرسٹ کلاس ٹورنامنٹ کا آغاز 6 اکتوبر سے ہوگا

منگل 30 ستمبر 2025 19:50

لاہور (اُردو پوائنٹ اخبارتازہ ترین - این این آئی۔ 30 ستمبر2025ء)پی سی بی نے قائداعظم ٹرافی کے شیڈول کا اعلان کردیا۔پریمیر فرسٹ کلاس ٹورنامنٹ کا آغاز 6 اکتوبر سے ہوگا،ٹورنامنٹ پشاور، اسلام آباد، راولپنڈی اور ایبٹ آباد میں کھیلا جائے گا،ٹورنامنٹ میں 10 ریجنل ٹیمیں شرکت کریں گی۔

(جاری ہے)

ٹیموں میں ایبٹ آباد، بہاولپور، فاٹا، فیصل آباد، اسلام آباد، کراچی بلوز، لاہور وائٹس، ملتان، پشاور اور سیالکوٹ شامل ہیں ،ٹورنامنٹ میں فائنل سمیت 46 فرسٹ کلاس میچ کھیلے جائیں گے،ٹورنامنٹ میں ہر ٹیم نو میچ کھیلے گی،ٹاپ دو ٹیموں کے مابین فائنل ہوگا،ٹورنامنٹ میں نو رائونڈ کھیلے جائیں گے،ٹورنامنٹ کا فائنل 29 نومبر سے 3 دسمبر تک کھیلا جائے گا،ٹورنامنٹ میں سیالکوٹ ریجن اپنے ٹائٹل کا دفاع کرے گا۔