ہانیہ عامر کی مشہور بنگلادیشی یوٹیوبر کے گھر دعوت، ویڈیو وائرل

بدھ 1 اکتوبر 2025 23:03

کراچی (اُردو پوائنٹ اخبارتازہ ترین - این این آئی۔ 01 اکتوبر2025ء)اداکارہ ہانیہ عامر کی مشہور بنگلادیشی یوٹیوبر افتخار رفسان اور فیملی سے ملاقات کی تصاویر وائرل ہوگئیں۔ میڈیا رپورٹ کے مطابق ہانیہ عامر ان دنوں بنگلادیش میں موجود ہیں جہاں وہ کئی پروموشنل ایونٹس میں شرکت کرتی نظر آرہی ہیں۔اس دوران ہانیہ عامر ایک مشہور بنگلادیشی یوٹیوبر افتخار رفسان کی دعوت پر ان کے گھر بھی گئیں۔

(جاری ہے)

اداکارہ نے یوٹیوبر اور ان کی فیملی سے ملاقات کی اور روایتی کھانوں سے لطف اندوز بھی ہوئیں۔ اس ملاقات کی ویڈیو یوٹیوب پر کچھ ہی لمحوں میں وائرل ہوگئی۔اس موقع پر ہانیہ کو بنگلادیشی گلاب جامن اتنے پسند آئے کہ انہوں نے مذاق میں پوچھا کہ کیا میں کچھ گلاب جامن اپنے ساتھ لے جاسکتی ہوں۔سوشل میڈیا صارفین ہانیہ عامر کی عاجزی، رفسان کی مہمان نوازی اور ان کی والدہ کی گرمجوشی کی خوب تعریفیں کرتے نظر آرہے ہیں۔