چھوٹی بہو کو دیکھ کر لگتا ہے سچے مسلمان کو ایسا ہی ہونا چاہئے، صبا فیصل

بہو کی باتیں سن کر آبدیدہ ہو جاتی ہوں، اس کا عقیدہ اتنا پکا ہے کوئی بڑی سے بڑی چیز ہو جائے وہ ٹینشن کی بجائے اللہ کا شکر ادا کرتی ہے، اداکارہ

بدھ 1 اکتوبر 2025 23:03

چھوٹی بہو کو دیکھ کر لگتا ہے سچے مسلمان کو ایسا ہی ہونا چاہئے، صبا فیصل

کراچی (اُردو پوائنٹ اخبارتازہ ترین - این این آئی۔ 01 اکتوبر2025ء)اداکارہ صبا فیصل اپنی چھوٹی بہو نیشا کے گن گانے لگیں۔نجی ٹی وی چینل شو میں گفتگو کرتے ہوئے صباء فیصل نے کہا کہ نیشا کے آنے کے بعد ہمارے گھر میں بہت مثبت ماحول قائم ہوا، جب آپ اسے دیکھتے ہیں تو یہ کہہ سکتے ہیں کہ ایک سچے مسلمان کو ایسا ہی ہونا چاہیے۔انہوں نے بتایا کہ جب نیشا کے والد کا انتقال ہوا اس وقت میں نے اسے زیادہ روتے ہوئے نہیں دیکھا، بلکہ اسلامی تعلیمات کے مطابق صبر سے کام لیتے ہوئے اسے خدا کی رضا سمجھ لیا۔

(جاری ہے)

اداکارہ نے کہا کہ نیشا کے والد کی وفات کے بعد ان کے بیٹے حذیفہ کی پہلی عید آئی تو میں اسے نئے کپڑے دیتے ہوئے سوچ رہی تھی کہ کہیں برا نہ مان جائے لیکن اس نے عید منائی اور کہا کہ بیٹے کی پہلی عید ہے، اس لئے والد کے غم میں اسے خراب نہیں کرسکتی، والد خدا کی امانت تھے، وہ وہاں چلے گئے۔صبا فیصل نے کہا کہ میں اپنی بہو کی باتیں سن کر آبدیدہ ہو جاتی ہوں، کیونکہ اس کا اتنا اعتقاد اور عقیدہ پکا ہے کہ کوئی بھی بڑی سے بڑی چیز ہو جائے اس پر بھی وہ ٹینشن نہیں لیتی بلکہ اللہ کا شکر ادا کرتی ہے۔ایک سوال کے جواب میں انہوں نے کہا کہ چھوٹی بہو کے آنے کے بعد ان کا ڈپریشن بھی کم ہوا ہے، ان کے گھر اور زندگی میں مثبت تبدیلیاں آئی ہیں۔