علامہ اقبال اوپن یونیورسٹی نے چار سالہ داخلوں کی تایخ میں 15 اکتوبر تک توسیع کردی ہے،ریجنل ڈائریکٹر ملتان

جمعہ 3 اکتوبر 2025 14:00

خانیوال (اُردو پوائنٹ اخبارتازہ ترین - اے پی پی۔ 03 اکتوبر2025ء) علامہ اقبال اوپن یونیورسٹی نے سمسٹر خزاں 2025میں پیش کئے گئے سرٹیفکیٹ کورسزمیٹرک،ایف اے، ایسوسی ایٹ ڈگری(دو سالہ)،پی جی ڈی،بی ایڈاور بی ایس دو سالہ،اڑھائی سالہ اور چار سالہ کے داخلہ جات میں 15۔اکتوبر 2025ء تک توسیع کر دی ہے۔،بات ریجنل ڈائریکٹر ملتان غلام حسین کھوسہ نے کہی۔

(جاری ہے)

انہوں نے مزید کہا کہ میٹرک،ایف اے/آئی کام،ایسوسی ایٹ ڈگری اوربی ایڈپروگرامزمیں طلباء وطالبات آن لائن یا داخلہ فارم پر اپلائی کرسکتے ہیں جب کہ دیگر پروگرامز میں داخلہ جات آن لائن اپلائی کر یں گے آن لائن اپلائی کے لیے علاقائی کیمپس واقع شاہ رکن عالم کالونی ملتان میں فرنٹ ڈیسک بھی قائم کیا گیا ہے جہاں سے طلبا ء وطالبات کسی بھی اضافی فیس کے بغیر آن لائن داخلہ اپلائی کروا سکتے ہیں۔

مزیدبرآں یہ کہ تمام طلباء و طالبات داخلہ فیس الائیڈ بینک لمٹیڈ،مسلم کمرشل بینک لمٹیڈ،فرسٹ وویمن بینک لمٹیڈاور نیشنل بینک آف پاکستان کی کسی بھی برانچ یاجاز کیش،ایزی پیسہ اور یو پیسہ کے ذریعے بھی جمع کروا سکتے ہیں۔ تمام پراسپیکٹس یونیورسٹی ہذا کی ویب سائٹ www.aiou.edu.pkسے بھی ڈاؤن لوڈ کی جا سکتی ہیں۔داخلہ جات بارے مزید معلومات کے لیے فون نمبر061-9220201 & 61-9330410پر رابطہ کریں۔\378