وزیراعلی مریم نواز شریف کی زیرصدارت 4 گھٹنے طویل اجلاس،8بڑے محکموں سے تفصیلی بریفنگ

لاہور (اُردو پوائنٹ اخبارتازہ ترین - این این آئی۔ 04 اکتوبر2025ء) وزیراعلی پنجاب مریم نواز شریف کی زیرصدارت 4 گھٹنے طویل جائزہ اجلاس منعقد ہوا، وزیراعلی مریم نواز شریف نی8بڑے محکموں سے تفصیلی بریفنگ لی۔اجلاس میں دور دراز علاقوں سے پانی لانے کی مشقت سے نجات کیلئے گھر گھر بوتل بند پانی مہیا کرنے کا فیصلہ کیاگیا۔وزیراعلی مریم نواز شریف نے اجلاس کے دوران سیلاب متاثرہ علاقوں میں ہیلتھ ڈیپارٹمنٹ کی کارکردگی پر شاباش دی۔

اجلاس میں بتایاگیا کہ سیلاب کے دوران متاثرہ علاقوں میں ساڑھے 11لاکھ افراد کا علاج معالجہ کیا گیا۔ سیلاب متاثرہ علاقوں میں 174 افراد کوسانپ کاٹ گئے ۔فلڈ ریلیف کیمپوں میں موجود سانپ کے کاٹنے کی ویکسین لگانے سے تمام جانیں بچ گئیں۔ وزیراعلی مریم نواز شریف نے سانپ کاٹنے کے واقعات میں بروقت علاج سے قیمتی انسانی جانیں بچانے پر اظہار تشکر کیا۔

(جاری ہے)

مزید بتایاگیاکہ پنجاب نے سروائیکل کینسر ویکسی نیشن میں ریکارڈ قائم کرکے دوسرے صوبوں پر سبقت لے لی۔65لاکھ بچیوں کی سروائیکل کینسر ویکسی نیشن مکمل ہونے پر وزیراعلی مریم نواز شریف نے اظہار اطمینان کیا۔وزیراعلی مریم نواز شریف نے کیتھ لیب پراجیکٹ کی تکمیل جلد از جلد یقینی بنانے کی ہدایت کی-بریفنگ میں بتایا گیا کہ محکمہ ہیلتھ اینڈ پاپولیشن کے کمیونٹی ہیلتھ انسپکٹر نے پائلٹ پراجیکٹ میں 32ہزار گھروں کا ڈیٹا حاصل کر لیا-وزیراعلی مریم نواز شریف نے اجلاس کے دوران سپیشل افراد کے گھروں تک پہنچنے اور مدد کا طریق کار وضع کرنے کا حکم دیااور صوبہ بھر میں سپیشل افراد کا ڈیٹا مکمل کرنے کے لئے محکموں کو اشتراک کار کی ہدایت کی- وزیراعلی مریم نوازشریف نے سپیشل ایجوکیشن ڈیپارٹمنٹ کو تعلیم کے ساتھ ساتھ خصوصی افراد کی فلاح وبہبود کا پراجیکٹ مرتب کرنے کی ہدایت بھی کی-وزیراعلی مریم نواز شریف نے دسمبر تک پنجاب کے مختلف شہروںمیں 1115الیکٹرو بسیں فنکشنل کرنے کا حکم دیاہے اور ڈپٹی کمشنرز کو الیکٹرو بس چارجنگ سٹیشن قائم کرنے کے لئے اقدامات کی ہدایت کی-اجلاس کے دوران پنجاب بھر کے لئے الیکٹرو بس سٹاپ کے یونیفارم ڈیزائن کی منظوری دے دی-وزیراعلی مریم نوازشریف نے کہاکہ الیکٹرو بس نے قلیل مدت میں عوامی مقبولیت کے ریکارڈ قائم کر دئیے۔

ایس آر ٹی پراجیکٹ جلد از جلد شروع کرنے کی ہدایت کی-وزیراعلی مریم نواز شریف نے مختلف اضلاع میں الیکٹرو بس پروگرام کے لانچنگ شیڈول کی منظوری دے دی-اجلاس میں بریفنگ کے دوران بتایاگیاکہ چند ماہ میں 19شہروں میں واسا قائم کرنے کانیا ریکارڈ بنایاہے،ڈیڑھ سال قبل صرف 5شہروں میں واسا کام کررہا تھا-پنجاب بھر کے 25اضلاع میں 31دسمبر تک واسا کے قیام کا ہدف مقرر کیاگیاہی-صوبہ بھر میں 5ہزار سے زائدبند واٹر فلٹریشن پلانٹ فنکشنل کردئیے گئے ہیں-وزیراعلی مریم نواز شریف نے صوبہ بھر میں واٹر فلٹریشن پلانٹ پراجیکٹس کی ٹائم لائن طلب کر لی ہی- وزیر ہاؤسنگ بلال یاسین کوخود دورے کرکے واٹر فلٹریشن پلانٹ کا جائزہ لینے کی ہدایت کی-واٹر فلٹریشن پلانٹس بھی ڈپٹی کمشنرز کے پی آئی میں شامل کرنے کا فیصلہ کیاگیا-وزیراعلی مریم نوازشریف نے کہاکہ دفاتر میں ہر چیز اچھی لگتی ہے،فیلڈ میں جا کر حقائق کا اندازہ ہوتا ہے۔

پنجاب ڈویلپمنٹ پروگرام کے تحت 15شہروں میں کام مون سون سے پہلے مکمل کرنے کی ہدایت کی- وزیراعلی مریم نواز شریف نے میونسپل کارپوریشن کی کیپسٹی بلڈنگ میں اضافہ کرنے کی ہدایت کی-اجلاس کو بریفنگ کے دوران بتایاگیاکہ لاہور ڈویلپمنٹ پراجیکٹ کا پہلا فیز30نومبر تک مکمل ہو جائے گا۔لاہور ڈویلپمنٹ پراجیکٹ کے تحت 4624 گلیوں کی تعمیر وبحالی مکمل کر لی گئی-نو تعمیر شدہ گلیوں میں توڑ پھوڑ کرنے والوں کے خلاف سخت کارروائی کا فیصلہ کیاگیا-وزیراعلی مریم نواز شریف نے لاہور میں پی ایچ اے کے اقدامات پر اطمینان کا اظہار کیاگیا-پی ایچ اے کو بانس کے جنگل لگانے کی ہدایت کی-وزیراعلی مریم نواز شریف نے پنجاب کے مختلف شہروں میں پی ایچ اے کو مزید فعال کرنے کی ہدایت کی-ڈی جی پی ایچ اے راجہ منصور نے بتایا کہ پی ایچ اے لاہور نے چند ماہ میں گھر وں تک جا کر 27ہزار پودے لگائے۔

پی ایچ اے لاہور کاآن لائن گلدستہ پراجیکٹ بھی جاری ہے،گھر بیٹھے آرڈر کیا جا سکتا ہے۔وزیراعلی مریم نوازشریف نے 472دیہات میں مثالی گاؤں پراجیکٹ کے لئے اکتو بر کی ڈیڈ لائن مقرر کردی-وزیراعلی مریم نوازشریف نے اس امر پر اطمینان کااظہار کیاکہ مثالی گاؤں پراجیکٹ میں جنوبی پنجاب کے سب سے زیادہ دیہات شامل ہیں-مثالی گاؤ ں کے لئے ملتان کے 62، بہاؤلپورکی48اور ڈی جی خان کی38دیہات پہلے فیز میں شامل ہی-مثالی گاؤں میں پارکس،پکی گلیاں،کور ڈرین،قبرستان کی چار دیواری اور جوہڑو ں کی صفائی شامل ہی- پلیسر گولڈ پراجیکٹ سرکاری طور پر شروع کرنے کا فیصلہ کیاگیا-وزیراعلی مریم نوازشریف نے کہاکہ پلیسر گولڈ سے حاصل ہونے والا منافع پنجاب کے عوام کو ملنا چاہیے۔

بریفنگ میں بتایا گیاکہ پنجاب میں11ہزار کان کنوں کو راشن کارڈ جاری کئے،25ہزار کارڈ کا ہدف اسی ماہ مکمل ہو گا-پنک سالٹ کے پرانے کنٹریکٹ منسوخ اورری آکشن سے ریونیومیں 5گنا اضافہ ہوگا-امریکہ،یورپ،متحدہ عرب امارات میں پنک سالٹ کی مارکیٹنگ کا فیصلہ کیا گیا- چنیوٹ آئرن اور رکی ابتدائی سٹڈی مکمل ہوگئی ہے،4ماہ میں ٹیسٹ مکمل کرکے آغاز کر دیا جائے گا-میانوالی میں پلیسر گولڈکی چوری روکنے کے لئے چھاپے مارے گئے اور دفعہ144نافذ کر دی گئی۔