ؑسیلاب متاثرہ علاقوں میں بجلی بحالی پر پاور ڈویژن کی 5 اکتوبر تک کی رپورٹ جاری کر دی گئی

} مجموعی طور پر 437 فیڈر مکمل اور 147 جزوی طور پر بحال کر دیئے گئے

اتوار 5 اکتوبر 2025 16:50

اسلام آباد(اُردو پوائنٹ اخبارتازہ ترین - آن لائن۔ 05 اکتوبر2025ء) سیلاب متاثرہ علاقوں میں بجلی بحالی پر پاور ڈویژن کی 5 اکتوبر تک کی رپورٹ جاری کر دی گئی ہے ۔ مجموعی طور پر 437 فیڈر مکمل اور 147 جزوی طور پر بحال کر دیئے گئے ہیں ۔رپورٹ میں بتایا گیا ہے کہ لیسکو کے زیرِ انتظام علاقے لاہور, ننکانہ, شیخوپورہ اور اوکاڑہ میں بجلی کی بحالی کا کام مکمل ہوگیا ہے ‘میپکو کے 181 متاثرہ فیڈرز میں سے 76 مکمل اور 102 جزوی طور پر بحال کئے گئے ہیں، میپکو کے زیرِ انتظام علاقوں میں پانی اترتے ہی متاثرہ فیڈرز کی مکمل بحالی کا کام شروع ہو جائے گا۔

رپورٹ کے مطابق فیسکو کے زیرِ انتظام علاقوں میں 28 گرڈ اور 81 فیڈرز متاثر ہوئے، متاثرہ فیڈرز میں 74 مکمل اور 7 جزوی طور پر بحال کردئیے گئے، پاور ڈویژن کے مطابق فیسکو کے زیرِ انتظام علاقے فیصل آباد، ٹوبہ ٹیک سنگھ، چنیوٹ اور میاں والی میں بجلی بحالی کا کام مکمل، لیسکو کے 67 متاثرہ فیڈرز میں سے 66 مکمل اور 1 جزوی طور پر بحال ہوچکے ہیں۔

(جاری ہے)

لیسکو کے 150 متاثرہ صارفین کیلئے بجلی کی بحالی کا کام تقریباًً 14 اکتوبر تک مکمل کرنے کی توقع ہے۔

لیسکو کے زیرِ انتظام علاقے لاہور, ننکانہ, شیخوپورہ اور اوکاڑہ میں بجلی کی بحالی کا کام مکمل ہوگیا ہے ، پاور ڈویژن کے مطابق میپکو کے 181 متاثرہ فیڈرز میں سے 76 مکمل اور 102 جزوی طور پر بحال، میپکو کے زیرِ انتظام علاقوں میں پانی اترتے ہی متاثرہ فیڈرز کی مکمل بحالی کا کام شروع ہو جائے گا۔ رپورٹ پاور ڈویژن کے مطابق گیپکوکے کے 11 گرڈز اور 103فیڈرزمتاثر ہوئے، متاثرہ فیڈرز میں سے 102 فیڈرز مکمل اور 1 جزوی طور پر بحال ہوچکے ہیں۔

پاور ڈویژن کے مطابق پیسکو کے 90 فیڈرز مکمل طور پر بحال کردئیے گئے ہیں، ٹیسکو کے علاقے شمالی وزیرستان اور خیبر کے 18 متاثرہ فیڈرز مکمل طور پر بحال، سیپکو کے 44 متاثرہ فیڈرز میں سے 8 مکمل اور 36 عارضی طور پر بحال، مجموعی طور پر 51 گرڈ اور 588 فیڈرز متاثر ہوئے، مجموعی طور پر 437 فیڈر مکمل اور 147 جزوی طور پر بحال ہو چکے ہیں۔