صوبائی وزیر صحت کامردان میڈیکل کمپلیکس میں ڈینگی وائرس سے متاثرہ افراد کے لئے قائم خصوصی وارڈ کا دورہ

اتوار 5 اکتوبر 2025 19:40

پشاور(اُردو پوائنٹ اخبارتازہ ترین - این این آئی۔ 05 اکتوبر2025ء)صوبائی وزیر صحت خلیق الرحمان نے مردان میڈیکل کمپلیکس میں ڈینگی وائرس سے متاثرہ افراد کے لئے قائم خصوصی وارڈ کا دورہ کیا۔ اس موقع پر صوبائی وزیر خوراک ظاہر شاہ طورو، ممبران صوبائی اسمبلی عبدالسلام آفریدی، افتخار علی مشوانی اور ڈیڈک چیئرمین زرشاد خان بھی اُن کے ہمراہ تھے۔

(جاری ہے)

وزراء اور منتخب نمائندوں نے ڈینگی سے متاثرہ مریضوں کی عیادت کی اورہسپتال میں دستیاب سہولیات کا تفصیلی جائزہ لیا اور محکمہ صحت کے عملے کو ہدایت کی کہ ڈینگی وائرس کے تدارک کے لیے تمام ممکنہ اقدامات بروقت اور مؤثر انداز میں کیے جائیں۔انہوں نے عوام کو بھی احتیاطی تدابیر اختیار کرنے اور اس سلسلے میں ضلعی انتظامیہ کے ساتھ تعاون کی اپیل کی تاکہ ڈینگی وائرس پر قابو پایا جا سکے۔