چیف ایگزیکٹو لیسکو کا تمام سرکلز کے ایسیز اور فنکشنل ہیڈز کے ساتھ اجلاس

بدھ 8 اکتوبر 2025 15:21

لاہور (اُردو پوائنٹ اخبارتازہ ترین - اے پی پی۔ 08 اکتوبر2025ء) چیف ایگزیکٹولیسکو انجینیئر محمد رمضان بٹ نے لیسکو ہیڈ آفس میں فنکشنل ہیڈ سمیت تمام سرکلز کے ایسیز کے ساتھ اجلاس کی صدارت کرتے ہوئےانہوں نے کہا کہ رشوت اور بجلی چوری پر ہماری زیرو ٹالرنس پالیسی ہے بجلی چور قوم کے دشمن ہیں ان سے کوئی رعایت نہیں برتی جائے گی۔ لیسکو چیف نے کہا کہ صارفین ہماری اصل طاقت اور سرمایہ ہیں چاہے وہ عام صارف ہوں یا صنعتی سب کے ساتھ برابری کی بنیاد پر برتائو کیا جائے۔

(جاری ہے)

انہوں نے ہدایات کی کہ تمام افسران اور ملازمین کسی بھی دبائو کی حالت میں صبر اور تحمل کا مظاہرہ کریں اور صارفین کے ساتھ کسی قسم کی بد سلولی نہ کریں۔لیسکوچیف نے مزید کہا کہ لیسکو کی بہتری کے لیے اس وقت حکومت، وزیر توانائی ،لیسکو چیئرمین بورڈ آف ڈائریکٹر اور تمام لیسکو بورڈ ممبران کا مکمل تعاون ہمیں حاصل ہے اور ادارے میں ملازمین کو بہترین کام کا ماحول فراہم کرنے کے لیے ہم سب ایک ساتھ ہیں۔ انہوں نے اپنے تمام افسران اور ملازمین کی کارکردگی کو سراہا ۔