اسلام آباد،موٹر سائیکل چوری میں ملوث منظم گروہ کے دو ا رکان گرفتار

قبضہ سے لا کھو ں روپے ما لیت کے پانچ مسروقہ مو ٹر سائیکل بر آمدکرلئے گئے

بدھ 8 اکتوبر 2025 20:31

اسلام آباد،موٹر سائیکل چوری میں ملوث منظم گروہ کے دو ا رکان گرفتار

اسلام آباد(اُردو پوائنٹ اخبارتازہ ترین - این این آئی۔ 08 اکتوبر2025ء) تھانہ سمبل پولیس نے موٹر سائیکل چوری کی متعدد وارداتو ں میں ملوث منظم گروہ کے دو ا رکان گرفتار کرکے قبضہ سے لا کھو ں روپے ما لیت کے پانچ مسروقہ مو ٹر سائیکل بر آمدکرلئے۔

(جاری ہے)

تفصیلا ت کے مطا بق اسلام آباد پولیس کا وفاقی دارلحکومت میں مو ٹر سائیکل چوری کی وارداتو ں میں ملوث ملزما ن کی گرفتاری اور جر ائم کے انسداد کیلئے بڑے پیما نے پر کر یک ڈاؤن جا ری ہے، اس سلسلہ میں تھانہ سمبل پولیس ٹیم نے جدید تکنیکی اور انسانی ذرائع کو بروئے کار لاتے ہوئے موٹر سائیکل چوری کی متعدد وارداتو ں میں ملو ث منظم گر وہ کے دو ارکان کو گرفتار کرلیا، گرفتار ملزمان کے قبضہ سے لاکھو ں روپے مالیت کے پانچ مسروقہ مو ٹر سائیکل بر آمد کرلئے گے،ملزمان کی شنا خت محسن اور عہد سہیل کے ناموں سے ہو ئی ہیں، گرفتارملزمان کے خلاف متعدد مقدمات درج ہیں، ابتدائی تفتیش کے دوران گرفتار ملزمان نے تھا نہ سمبل اور ملحقہ علاقوں میں متعدد وارداتیں کرنے کا انکشاف کیاہے، ملزمان سے مزید تفتیش جاری ہے، ڈی آئی جی اسلام آ باد محمد جو اد طارق نے کہا کہ اسلام آ باد میں موٹرسائیکل چوری اور راہزنی کی وارداتوں میں ملوث ملزمان کیخلاف بھرپور کارروائیاں عمل میں لائی جارہی ہیں جس کی وجہ سے وفاقی دارالحکومت میں مو ٹر سائیکل چوری اور راہزنی کے واقعات میں نمایاں کمی واقع ہوئی ہے، انہوں نے تمام افسران کو ہدایت کی کہ جرائم پیشہ افراد کے خلاف موثر کر یک ڈاؤن جاری رکھا جا ئے اور انہیں قانون کی گرفت میں لایا جائے،شہریوں سے بھی گزارش ہے کہ وہ پولیس کے ساتھ تعاون کریں اور کسی بھی مشکوک چیز یا سرگرمی کے بارے میں متعلقہ تھانہ یا ایمرجنسی ہیلپ لائن''پکار''15-پر فوری اطلاع دیں۔