وزیراعلی پنجاب مریم نواز شریف بابا فرید کی دھرتی میں الیکٹرک بس لے آئیں

4 پاکپتن کی 750 سالہ تاریخ کا پہلا سرکاری ٹرانسپورٹ سسٹم ، وزیراعلی نے پاکپتن میں الیکٹرک بس کا افتتاح کردیا ،پاکپتن میں 15 بسیں تین مختلف شہری روٹ پر چلیں گی

بدھ 8 اکتوبر 2025 19:32

لاہور (اُردو پوائنٹ اخبارتازہ ترین - آن لائن۔ 08 اکتوبر2025ء) وزیراعلی پنجاب مریم نواز شریف بابا فرید کی دھرتی میں الیکٹرک بس لے آئیں ۔پاکپتن کی ساڑھے سات سو سالہ تاریخ کا پہلا سرکاری ٹرانسپورٹ سسٹم کا آغاز کردیا ۔وزیراعلی مریم نواز شریف نے پاکپتن میں الیکٹرک بس کا افتتاح کردیا ۔پاکپتن میں 15 بسیں تین مختلف شہری روٹ پر چلیں گی۔جنرل بس اسٹینڈ پاکپتن سے بنگہ حیات،عارف والا اور نور پور سیال 5-5 بسیں چلیں گی ۔

وزیراعلی مریم نواز شریف نے پاکپتن کی پہلی الیکٹرک بس پر حضرت بختیار کاکی چوک سے ایس پی چوک تک سفرکیا۔وزیراعلی مریم نواز شریف کی آمد پر فقید المثال استقبال کیاگیا۔عوام نے الیکٹرک بس پر پھولوں کی پتیاں نچھاور کیں۔سڑکوں کے اطراف میں کھڑے نوجوانوں کا جوش و خروش اور ہزاروں کا ہجوم ساتھ چلتا رہا۔

(جاری ہے)

وزیراعلی مریم نواز شریف مسلسل کھڑے ہو کر نعروں کا جواب دیتی رہیں ۔

''سب توں اعلیٰ۔۔۔۔ پنجاب دی وزیراعلی''، ''بابا فرید کی نگری میں جی آیاں نوں '' ''مرہم ہے مریم''۔ستھرا پنجاب کے ورکرز بھی عوام کے ساتھ ساتھ پوسٹر اٹھائے کھڑے تھے ۔استقبالی ہجوم میں خواتین کی بہت بڑی تعداد بھی شامل تھی۔ایک نوجوان محترمہ کلثوم نواز شریف کا پینسل سکیچ اٹھائے استقبالی ہجوم میں شامل تھا۔الیکٹرک بس کے راستے میں نیو سینی ٹیشن فلیٹ کی جدید گاڑیاں بھی موجود تھیں۔وزیراعلی مریم نواز شریف نے تقریب گاہ میںارکان اسمبلی سے ان کی نشستوں پر جا کر ملاقات کی۔وزیراعلی مریم نواز شریف تقریب سے واپسی پر گاڑی میں بیٹھنے کی بجائے عوام کی جانب چل پڑیں ۔وزیراعلی مریم نواز شریف نے بچوں، خواتین اور نوجوانوں کا شکریہ ادا کیا۔