Live Updates

علی امین گنڈا پور پشاور جاکر اپنا استعفا کل گورنرخیبرپختونخواہ کو بھجوائیں گے

علی امین بانی پی ٹی آئی کے ساتھ کیا وعدہ پورا کریں گے، علی امین نے واضح کہا تھاکہ وزارت اعلیٰ عمران خان کی امانت ہے۔چیئرمین پی ٹی آئی بیرسٹر گوہر خان کی گفتگو

ثنااللہ ناگرہ بدھ 8 اکتوبر 2025 20:01

علی امین گنڈا پور پشاور جاکر اپنا استعفا کل گورنرخیبرپختونخواہ کو ..

اسلام آباد ( اردوپوائنٹ اخبار تازہ ترین۔ انٹرنیشنل پریس ایجنسی۔ 08 اکتوبر 2025ء ) چیئرمین پی ٹی آئی بیرسٹر گوہر خان نے کہا ہے کہ علی امین گنڈا پور اپنا استعفاکچھ دیر میں پشاور جاکرگورنر خیبرپختونخواہ کو بھجوائیں گے،علی امین بانی پی ٹی آئی کے ساتھ کیا وعدہ پورا کریں گے۔ انہوں نے میڈیا سے گفتگو کرتے ہوئے کہا کہ علی امین گنڈا پور کچھ دیر تک پشاور جائیں گے، علی امین گنڈاپور کل اپنا استعفا پشاور سے گورنر خیبرپختونخواہ کو بھجوائیں گے، علی امین بانی پی ٹی آئی کے ساتھ وعدہ پورا کریں گے، علی امین نے واضح کہا کہ وزارت اعلیٰ بانی کی امانت ہے۔

بانی پی ٹی آئی کی قیادت میں پارٹی کے پی میں متحد رہے گی، پی ٹی آئی کی کے پی اسمبلی میں دوتہائی اکثریت قائم رہے گی۔ بانی کی خواہش ہے کہ کے پی میں تبدیلی کی جائے۔

(جاری ہے)

بانی کی ہدایات کے مطابق بننے والی نئی خیبرپختونخواہ حکومت کو سب قبول کریں گے،پی ٹی آئی میں کوئی بھی فاروڈ بلاک نہیں سب بانی کے ساتھ ہیں۔

دوسری جانب پاکستان تحریک انصاف کے سیکریٹری جنرل سلمان اکرم راجہ نے وزیراعلیٰ خیبرپختونخواہ کی تبدیلی کی تصدیق کردی۔

راولپنڈی کی اڈیالہ جیل میں پی ٹی ائی کے پیٹرن انچیف عمران خان سے ملاقات کے بعد میڈیا سے گفتگو کرتے ہوئے انہوں نے بتایا کہ یہ بات درست ہے کہ علی امین گنڈا پور کو وزارت اعلی سے ہٹانے کا فیصلہ کیا گیا یے اور ان کی جگہ سہیل آفریدی کو خیبرپختونخواہ کا کا نیا وزیر اعلی نامزد کیا گیا ہے۔ سلمان اکرم راجہ نے مزید کہا کہ علی امین گنڈاپور کو ہٹانے کا فیصلہ عمران خان کا ہے اس پر من و عن عمل ہوگا، اس کا پس منظر یہ ہے کہ خیبرپختونخواہ میں دہشت گردی کی صورتحال بدترین ہے، آج کی شہادتوں نے عمران خان کو انتہائی غمگین کیا، آج اورکزئی میں جو واقعہ ہوا اور ہمارے فوجی جوان شہید ہوئے اس کے بعد عمران خان کا کہنا تھا کہ اب تبدیلی کے علاوہ میرے پاس کوئی چارہ نہیں، یہ فیصلہ اس واقعے کا محرک ہے، عمران خان نے اس بات کا عزم کیا کہ آئندہ ہم بہتر پالیسی بنا سکیں گے اور صوبائی حکومت وفاق کی مدد کر سکے گی۔