واپڈا نے دریاؤں اور آبی ذخائر میں پانی کی آمد و اخراج کے اعدادوشمار جاری کر دیئے

جمعہ 10 اکتوبر 2025 14:10

اسلام آباد (اُردو پوائنٹ اخبارتازہ ترین - اے پی پی۔ 10 اکتوبر2025ء) واپڈا نے دریاؤں اور آبی ذخائر میں پانی کی آمد و اخراج کے اعدادوشمار جاری کر دیئے۔ جمعہ کوجاری اعدادوشمار کے مطابق دریائے سندھ میں تربیلاکے مقام پر پانی کی آمد 37 ہزار 300 کیوسک اور اخراج 36 ہزار 900 کیوسک، دریائے کابل میں نوشہرہ کے مقام پر پانی کی آمد 10 ہزار 200 کیوسک اور اخراج 10 ہزار 200 کیوسک، خیرآباد پل پر پانی کی آمد 27 ہزار 100 کیوسک اور اخراج 27 ہزار 100 کیوسک، دریائے جہلم میں منگلاکے مقام پر پانی کی آمد 11 ہزار کیوسک اور اخراج 6 ہزار 900 کیوسک، دریائے چناب میں مرالہ کے مقام پر پانی کی آمد 29 ہزار 600 کیوسک اور اخراج 19 ہزار 700 کیوسک ریکارڈ کیا گیا۔

آبی ذخائرمیں تربیلا ڈیم کا کم از کم آپریٹنگ لیول 1402 فٹ،ڈیم میں پانی کی موجودہ سطح 1550.00 فٹ، پانی ذخیرہ کرنے کی انتہائی سطح 1550 فٹ اورآج قابلِ استعمال پانی کا ذخیرہ 5.728 ملین ایکڑ فٹ ہے۔

(جاری ہے)

منگلا ڈیم کا کم از کم آپریٹنگ لیول 1050 فٹ، ڈیم میں پانی کی موجودہ سطح 1242.00 فٹ، ڈیم میں پانی ذخیرہ کرنے کی انتہائی سطح 1242فٹ اور آج قابلِ استعمال پانی کا ذخیرہ 7.277 ملین ایکڑ فٹ ہے۔چشمہ ڈیم کا کم از کم آپریٹنگ لیول 638.15 فٹ، ڈیم میں پانی کی موجودہ سطح 649.00 فٹ پانی ذخیرہ کرنے کی انتہائی سطح 649 فٹ اور آج قابلِ استعمال پانی کا ذخیرہ 0.311 ملین ایکڑ فٹ ہے۔