لاہور سمیت صوبہ بھر کے گرجا گھروں میں پولیس سکیورٹی ہائی الرٹ رہی

اتوار 12 اکتوبر 2025 18:50

لاہور (اُردو پوائنٹ اخبارتازہ ترین - اے پی پی۔ 12 اکتوبر2025ء) لاہور سمیت صوبہ بھر میں مسیحی عباداتی دعائیہ پروگراموں کے پیش نظر گرجا گھروں میں پنجاب پولیس ہائی الرٹ رہی۔

(جاری ہے)

آئی جی پنجاب ڈاکٹر عثمان انور نے آر پی اوز، ڈی پی اوز کو گرجا گھروں کی سکیورٹی انتظامات بڑھانے کا حکم دیتے ہوئے کہا کہ سپروائزری افسران گرجا گھروں، اہم مقامات کے سکیورٹی انتظامات خود چیک کریں جبکہ حساس گرجا گھروں پر پولیس کی اضافی نفری اور سنائپرز تعینات کئے جائیں۔

انہوں نے مزید کہا کہ ڈولفن سکواڈ، پی آر یو، ایلیٹ ٹیمیں گرجا گھروں کے گردموثر پٹرولنگ کریں۔ آئی جی پنجاب نے کہا کہ تعینات پولیس افسران اور جوان انتہائی الرٹ رہیں اور شر پسند عناصر پر کڑی نظر رکھیں۔ انہوں نے مزید کہا کہ گرجا گھروں، مسیحی آبادیوں اورحساس مقامات کے گرد سرچ اینڈ سویپ آپریشنز جاری رکھے جائیں جبکہ علما کرام، مسیحی کمیونٹی، امن کمیٹیوں کے ارکان بین المذاہب ہم آہنگی کو فروغ دیں۔