Live Updates

ضلع خیبر،باڑہ میں افغانستان کی دراندازی کے خلاف ریلی، پاک فوج سے یکجہتی کا اظہار

اتوار 12 اکتوبر 2025 22:00

پشاور (اُردو پوائنٹ اخبارتازہ ترین - اے پی پی۔ 12 اکتوبر2025ء) ضلع خیبر کی تحصیل باڑہ میں افغانستان کی جانب سے مسلح دراندازی کے خلاف ضلعی انتظامیہ نے ریلی کا انعقاد کیا جس میں پاک فوج سے اظہارِ یکجہتی کیا گیا۔

(جاری ہے)

ریلی باڑہ بازار میں نکالی گئی جس میں عوام، تاجر برادری، مقامی عمائدین، اسسٹنٹ کمشنر طلحہ رفیق، تحصیلدار داؤد آفریدی اور ایس ایچ او ہردم گل آفریدی سمیت دیگر حکام شریک ہوئے۔

شرکاء نے پاک فوج کے حق میں نعرے لگائے۔ انہوں نے بینرز اٹھا رکھے تھے جن پر ’’پاکستان زندہ باد‘‘ اور ’’پاک فوج پائندہ باد‘‘ جیسے نعرے درج تھے۔ مقررین نے کہا کہ پاک فوج سرحدوں کی محافظ ہے اور قوم ہر جارحیت کے خلاف اس کے ساتھ کھڑی ہے۔ مقامی افراد نے ریلی کو قومی یکجہتی کی بہترین مثال قرار دیا۔