کوہستان لوئر ، ایس ڈی پی او سرکل بنکڈ رانولیا اورنگزیب خان کا معززین علاقہ کے ساتھ اجلاس ، علاقے میں امن کے لیے پولیس کے ساتھ تعاون کی اپیل

بدھ 15 اکتوبر 2025 11:36

ایبٹ آباد (اُردو پوائنٹ اخبارتازہ ترین - اے پی پی۔ 15 اکتوبر2025ء) کوہستان لوئر کے ایس ڈی پی او سرکل بنکڈ رانولیا اورنگزیب خان نے معززین علاقہ کے ساتھ اجلاس کا انعقاد کیا اور علاقے میں امن کے لیے پولیس کے ساتھ تعاون کی اپیل کی۔

(جاری ہے)

پولیس کے مطابق اجلاس میں معززین علاقہ کو بتایا گیا کہ ضلع کوہستان لوئر شانگلہ کی حدود سے متصل ہے لہٰذا کسی بھی اجنبی یا مشکوک شخص کی آمدورفت پر نظر رکھنا نہایت ضروری ہے۔

ایس ڈی پی او نے اس موقع پر عوام سے اپیل کی کہ اگر علاقے میں کوئی مشکوک سرگرمی یا نامعلوم شخص نظر آئے تو فوراً پولیس کو مطلع کریں تاکہ بروقت کارروائی عمل میں لائی جا سکے۔ معززین علاقہ نے مکمل تعاون کی یقین دہانی کراتے ہوئے کہا کہ وہ امن و امان کے قیام کے لئے پولیس کے ساتھ ہر ممکن تعاون جاری رکھیں گے۔