Live Updates

نومنتخب وزیر اعلیٰ خیبر پختونخوا محمد سہیل آفریدی کی وزیر اعلیٰ سیکرٹریٹ آمد، وزارت اعلیٰ کا منصب سنبھال لیا

بدھ 15 اکتوبر 2025 21:50

پشاور (اُردو پوائنٹ اخبارتازہ ترین - اے پی پی۔ 15 اکتوبر2025ء) نومنتخب وزیر اعلیٰ خیبر پختونخوا محمد سہیل آفریدی نے حلف برداری کے بعد وزیر اعلیٰ سیکرٹریٹ پہنچ کر با ضابطہ طور پر وزارت اعلیٰ کا منصب سنبھال لیا ۔وز یراعلیٰ سیکرٹریٹ آمد پر عملے نے ان کا استقبال کیا جبکہ پولیس کے چاق وچوبند دستے کی جانب سے نومنتخب وزیراعلی کو گارڈ آف آنر پیش کیاگیا۔

(جاری ہے)

محمد سہیل آفریدی نے با ضابطہ طور پر وزارت اعلی کا منصب سنبھال لیا ۔ اس موقع پر وزیر اعلیٰ سے سیکرٹریٹ کے عملے کا تعارف کروایا گیا۔وزیر اعلیٰ سیکرٹریٹ کے حکام نے نو منتخب وزیر اعلیٰ کو سیکرٹریٹ کے دفتری امور کے بارے مختصر بریفنگ دی۔اس موقع پر سہیل آفریدی نے کہا کہ وزیر اعلیٰ سیکرٹریٹ ایک عوامی جگہ اور پورے صوبے کا چہرہ ہے، آنے والے لوگوں کے ساتھ ہمیشہ اچھا برتائو کیا جائے۔انہوں نے ہدایت کی کہ وزیراعلیٰ سیکرٹریٹ کے معمولات میں وقت کی پابندی کا خاص خیال رکھا جائے۔