وزیراعظم شہباز شریف کی رکن قومی اسمبلی مبارک زیب کے گھر پر دستی بم حملے کی شدید مذمت، واقعے کی فوری تحقیقات اور حملہ آوروں کو گرفتار کرنے کی ہدایت

بدھ 15 اکتوبر 2025 22:30

اسلام آباد (اُردو پوائنٹ اخبارتازہ ترین - اے پی پی۔ 15 اکتوبر2025ء) وزیراعظم محمد شہباز شریف نے باجوڑ میں رکن قومی اسمبلی مبارک زیب کے گھر پر دستی بم حملے کی شدید مذمت کرتے ہوئے واقعے کی فوری تحقیقات اور حملہ آوروں کو گرفتار کرنے کی ہدایت کی ہے۔

(جاری ہے)

بدھ کو وزیر اعظم آفس کے میڈیا ونگ کی طرف سے جاری بیان کے مطابق وزیر اعظم نے مبارک زیب کیساتھ دلی ہمدردی کا اظہار کرتے ہوئے حملے میں کسی بھی قسم کا جانی نقصان نہ ہونے پر اللہ تعالیٰ کا شکر ادا کیا۔