پیرو میں حکومت مخالف مظاہرے جاری75اہلکار،شہری زخمی

ہزاروں افراد کاکانگریس کے قریب ریلی میں احتساب اور اصلاحات کا مطالبہ

جمعرات 16 اکتوبر 2025 14:30

لیما(اُردو پوائنٹ اخبارتازہ ترین - این این آئی۔ 16 اکتوبر2025ء) پیرو میں حکومت مخالف مظاہروں کا سلسلہ جاری ہے، دارالحکومت لیما میں پولیس اور مظاہرین کے درمیان جھڑپوں میں متعدد افراد زخمی ہوگئے۔غیرملکی میڈیا کے مطابق پیرو میں حکومت مخالف مظاہروں میں شدت آگئی۔مظاہروں کے دوران ہونے والی جھڑپوں میں 55 پولیس اہلکار اور 20 شہری زخمی ہوگئے ۔

(جاری ہے)

دارالحکومت لیما میں ہزاروں افراد نے کانگریس کے قریب ریلی میں احتساب اور اصلاحات کا مطالبہ کیا۔مظاہرین نے رکاوٹیں ہٹانے کی کوشش کیں جس پر پولیس نے مظاہرین کو منشترکرنے کے لیے آنسو گیس کی شیلنگ کی۔پیرو میں کئی روز سے جاری مظاہروں کے بعد صدر ڈینا بولوارٹے کو مواخذے کی تحریک کے بعد برطرف کیا گیا تھا جبکہ نئے عبوری صدر جوز جیری نے چند دن قبل عہدہ سنبھالا ہے۔