اسلام آباد،مذہبی جماعت کے 30سے زائد کارکنان شناخت پریڈ کیلئے جیل منتقل

تفتیشی افسر کی جانب سے شناخت پریڈ کیلئے 14دن کے ریمانڈ کی استدعا بھی منظور

جمعہ 17 اکتوبر 2025 11:57

اسلام آباد(اُردو پوائنٹ اخبارتازہ ترین - این این آئی۔ 17 اکتوبر2025ء) انسداد دہشت گردی عدالت اسلام آباد نے مذہبی جماعت کے 30سے زائد کارکنان کو شناخت پریڈ کیلئے جیل بھیجنے کا حکم دے دیا۔

(جاری ہے)

جمعہ کوجج ابوالحسنات محمد ذوالقرنین کی عدالت میں 30سے زائد ملزمان کو پیش کیا گیا۔تفتیشی افسر کی جانب سے شناخت پریڈ کیلئے 14دن کے ریمانڈ کی استدعا کی گئی، عدالت نے تفتیشی افسر کی استدعا منظور کر لی۔واضح رہے کہ مذہبی جماعت کے کارکنان کے خلاف تھانہ شہزاد ٹاؤن اور سنبل میں مقدمات درج ہیں۔